അച്ഛൻ ഒട്ടും വയ്യാതെ..കിടന്നപ്പോൾ സ്വന്തം 'വൃക്ക' തന്നെ നൽകാമെന്ന് പറഞ്ഞ പ്രിയ മകൾ; നല്ല സ്നേഹത്തിൽ പോകുന്നതിനിടയിൽ തലവര മാറ്റിയ കുടുംബ കലഹം; ആ തെരഞ്ഞെടുപ്പ് ഫലത്തിന് പിന്നാലെ പാർട്ടി ഒന്നായി പിളരുന്ന കാഴ്ച; ലാലുവിന്‍റെ മകള്‍ രോഹിണി രാഷ്ട്രീയം പൂർണമായി വിട്ടു; കുടുംബ ബന്ധവും പാടെ ഉപേക്ഷിക്കുന്നുവെന്ന് പോസ്റ്റ്; ആർജെഡി യിൽ ഇനി സമാധാനം പുലരുമോ?
പട്ന: ബിഹാറിലെ തിരഞ്ഞെടുപ്പ് തിരിച്ചടികൾക്കിടെ രാഷ്ട്രീയ ജനതാദൾ (RJD) നേതാവ് ലാലു പ്രസാദ് യാദവിന്റെ മകളും പാർട്ടി പ്രവർത്തകയുമായ രോഹിണി ആചാര്യ രാഷ്ട്രീയ ജീവിതവും കുടുംബബന്ധങ്ങളും ഉപേക്ഷിക്കുന്നതായി പ്രഖ്യാപിച്ചു. സാമൂഹ്യ മാധ്യമങ്ങളിൽ പങ്കുവെച്ച കുറിപ്പിലാണ് രോഹിണി ഇക്കാര്യം വ്യക്തമാക്കിയത്. തിരഞ്ഞെടുപ്പിലെ കനത്ത പരാജയത്തിന്റെ ഉത്തരവാദിത്വം ഏറ്റെടുക്കുന്നതായും ഇതിനെ തുടർന്നാണ് ഈ തീരുമാനമെന്നും അവർ അറിയിച്ചു.
ഏറ്റവും പുതിയ പൊതുതിരഞ്ഞെടുപ്പിൽ RJDക്ക് നേരിട്ട വലിയ തിരിച്ചടികൾക്ക് പിന്നാലെയാണ് ലാലു കുടുംബത്തിലും പാർട്ടിയിലും ഈ പൊട്ടിത്തെറി. രോഹിണി ആചാര്യയുടെ ഈ നീക്കം ലാലു കുടുംബത്തിലെ അഭ്യന്തര കലഹങ്ങൾ പ്രകടമാക്കുന്നതിന്റെ സൂചനയായി രാഷ്ട്രീയ വൃത്തങ്ങൾ വിലയിരുത്തുന്നു.
തിരഞ്ഞെടുപ്പ് ഫലങ്ങളുടെ പശ്ചാത്തലം:
ബിഹാറിലെ തിരഞ്ഞെടുപ്പ് ഫലങ്ങളിൽ വലിയ നിരാശയാണ് ഇന്ത്യാ മുന്നണിക്ക് സംഭവിച്ചിരിക്കുന്നത്. തിരഞ്ഞെടുപ്പ് ഫലങ്ങൾ പുറത്തുവന്നതിന് പിന്നാലെ കോൺഗ്രസിനുള്ളിലും ഇന്ത്യാ മുന്നണിയിലും അമർഷം പുകയുകയാണ്. രാഹുൽ ഗാന്ധിയുടെ തിരഞ്ഞെടുപ്പ് തന്ത്രങ്ങൾ പരാജയപ്പെട്ടുവെന്ന് പല കോൺഗ്രസ് നേതാക്കളും വിലയിരുത്തുന്നു. അതേസമയം, വോട്ടെണ്ണലിലെ ക്രമക്കേടുകൾ ചൂണ്ടിക്കാട്ടി ബിജെപിയെ വിജയിപ്പിക്കാൻ തിരഞ്ഞെടുപ്പ് കമ്മീഷൻ ഒത്താശ ചെയ്തെന്ന ആരോപണത്തിൽ ഉറച്ചുനിൽക്കാൻ കോൺഗ്രസ് അധ്യക്ഷൻ മല്ലികാർജ്ജുൻ ഖർഗെയുടെ അധ്യക്ഷതയിൽ ചേർന്ന യോഗം തീരുമാനിച്ചു.
രോഹിണിയുടെ രാഷ്ട്രീയ പ്രവേശനവും പിന്മാറ്റവും:
അസുഖബാധിതനായ പിതാവ് ലാലു പ്രസാദ് യാദവിന് വൃക്ക ദാനം ചെയ്തതോടെയാണ് രോഹിണി ആചാര്യ പൊതുശ്രദ്ധ നേടിയത്. പിന്നീട് രാഷ്ട്രീയത്തിൽ സജീവമായ അവർ, തേജസ്വി യാദവിന്റെ രാഷ്ട്രീയ ഉപദേഷ്ടാവും രാജ്യസഭാ എംപിയുമായ സജ്ജയ് യാദവുമായുള്ള അഭിപ്രായ ഭിന്നതകളെ തുടർന്നാണ് പാർട്ടി വിടാൻ തീരുമാനിച്ചതെന്നാണ് സൂചനകൾ. തിരഞ്ഞെടുപ്പിൽ മത്സരിക്കാൻ രോഹിണിക്ക് താല്പര്യമുണ്ടായിരുന്നെങ്കിലും, ലോക്സഭാ തിരഞ്ഞെടുപ്പിലെ പരാജയം ചൂണ്ടിക്കാട്ടി സീറ്റ് നിഷേധിച്ചതിൽ അവർ അതൃപ്തി പ്രകടിപ്പിച്ചിരുന്നു.
ബിഹാറിലെ തോൽവി വിലയിരുത്തുന്നതിനായി മഹാസഖ്യ നേതാക്കൾ യോഗം ചേരുമെന്ന് റിപ്പോർട്ടുകളുണ്ട്. പാർലമെന്റ് സമ്മേളനത്തിന് മുമ്പ് ഇന്ത്യാ മുന്നണി യോഗം വിളിച്ച് ദേശീയ തലത്തിൽ സ്വീകരിക്കേണ്ട നടപടികൾ ആലോചിക്കാനും കോൺഗ്രസ് ലക്ഷ്യമിടുന്നു.
പശ്ചിമ ബംഗാൾ, കേരളം, തമിഴ്നാട് എന്നിവിടങ്ങളിൽ തിരഞ്ഞെടുപ്പ് കമ്മീഷന്റെ നിലപാടുകളിൽ എതിർപ്പ് ഉയർന്ന സാഹചര്യത്തിൽ പ്രതിപക്ഷം ഒറ്റക്കെട്ടായി നിൽക്കുമെന്നാണ് കോൺഗ്രസ് പ്രതീക്ഷിക്കുന്നത്. എന്നാൽ, പ്രതിപക്ഷത്തെ അനൈക്യം ബിഹാറിലെ തോൽവിക്ക് കാരണമായെന്ന വിമർശനം എൻസിപിയും ഡിഎംകെയും ഉന്നയിച്ചിട്ടുണ്ട്. തിരഞ്ഞെടുപ്പ് കമ്മീഷൻ കോൺഗ്രസിന്റെ ആരോപണങ്ങൾ തള്ളിക്കളഞ്ഞപ്പോൾ, കോൺഗ്രസ് അവരുടെ തോൽവിക്കുള്ള കാരണങ്ങൾ കണ്ടെത്തുകയാണെന്ന് ബിജെപി പ്രതികരിച്ചു.
