സൂര്യൻ കിഴക്ക് ഉദിച്ചത് മുതൽ 'ബെൽദംഗ' പ്രദേശത്തെ ജനങ്ങൾക്ക് മുഴുവൻ ആവേശം; 'ഖുർആൻ' പാരായണത്തോടെ ചടങ്ങുകൾക്ക് തുടക്കം; പുത്തൻ ഉടുപ്പുകളിട്ട് പള്ളിയിലേക്ക് ഓടുന്ന കുട്ടികൾ; ബിരിയാണി ചെമ്പിലെ മുഹബ്ബത്ത് വേകുന്നത് 60,000 പേർക്ക്; സൗദിയിൽ നിന്ന് വരെ മതപുരോഹിതർ വന്നിറങ്ങുന്ന കാഴ്ച; കനത്ത പോലീസ് കാവലിൽ ബംഗാളിൽ സംഭവിക്കുന്നത്
ബഹറാംപൂർ: രാവിലെ തന്നെ 'ബെൽദംഗ' പ്രദേശത്തെ ജനങ്ങൾക്ക് മുഴുവൻ ആവേശം. 'ഖുർആൻ' പാരായണത്തോടെ ചടങ്ങുകൾ തുടങ്ങിയതോടെ ആഘോഷങ്ങൾക്ക് കൊടി കയറി. പശ്ചിമ ബംഗാളിലെ മുർഷിദാബാദിലെ ബെൽദംഗയിൽ ഡിസംബർ 6 ന് 'ബാബറി മസ്ജിദ് മാതൃകയിലുള്ള' പള്ളിയുടെ ശിലാസ്ഥാപന ചടങ്ങിൽ സൗദിയിൽ നിന്നുള്ള പുരോഹിതന്മാരെത്തുമെന്ന് ടിഎംസി എംഎൽഎ ഹുമയൂൺ കബീർ വ്യക്തമാക്കി. 40000 പേർക്കുള്ള ഭക്ഷണവും ഒരുക്കുകയും പ്രദേശത്ത് കർശന സുരക്ഷാ സംവിധാനങ്ങൾ ഏർപ്പെടുത്തുകയും ചെയ്തു.
സംഭവം വിവാദമായതിനെ തുടർന്ന് വ്യാഴാഴ്ച കബീറിനെ പുറത്താക്കിയതായി ടിഎംസി അറിയിച്ചിരുന്നു. ആദ്യം കോൺഗ്രസും പിന്നീട് ബിജെപിയുമായിരുന്ന ഹുമയൂൺ കബീർ ടിഎംസി ടിക്കറ്റിൽ മത്സരിച്ചാണ് എംഎൽഎയായത്. ശനിയാഴ്ച മൊറാഡിഗിക്ക് സമീപമുള്ള 25 ബിഗകളിലായി ഏകദേശം 3 ലക്ഷം ആളുകൾ ഒത്തുകൂടുമെന്ന് കബീർ മാധ്യമപ്രവർത്തകരോട് പറഞ്ഞു. നിരവധി സംസ്ഥാനങ്ങളിൽ നിന്നുള്ള മതനേതാക്കൾ അവരുടെ സാന്നിധ്യം സ്ഥിരീകരിച്ചിട്ടുണ്ടെന്നും വ്യക്തമാക്കി.
അങ്ങനെ ഒരു വലിയ ജനക്കൂട്ടത്തെ പ്രതീക്ഷിക്കുന്നതിനാലാണ് സൗദി അറേബ്യയിൽ നിന്ന് മാത്രം അറുപതിനായിരം ബിരിയാണി പാചക വിദഗ്ധരെ ആവശ്യമായി വന്നേക്കാമെന്ന തരത്തിലുള്ള വാർത്തകൾ പ്രചരിക്കുന്നത്. ഒരുപക്ഷേ, ലോകത്തെ ഏറ്റവും വലിയ ഭക്ഷണ വിതരണ ചടങ്ങുകളിലൊന്ന് സംഘടിപ്പിക്കാനുള്ള ഒരുക്കങ്ങൾ നടക്കുന്നു എന്ന സൂചനയാവാം ഈ റിപ്പോർട്ട് നൽകുന്നത്. ഇത്തരം വലിയൊരു പ്രഖ്യാപനം, മസ്ജിദ് നിർമ്മാണത്തിന് ലഭിക്കുന്ന അന്താരാഷ്ട്ര പിന്തുണയുടെ വ്യാപ്തി വ്യക്തമാക്കുന്നു.
സൗദിയിൽ നിന്നുള്ള രണ്ട് ഖാസിമാർ രാവിലെ കൊൽക്കത്ത വിമാനത്താവളത്തിൽ നിന്ന് പ്രത്യേക വാഹനവ്യൂഹത്തിൽ എത്തുമെന്നും പറഞ്ഞു. മുർഷിദാബാദ് ആസ്ഥാനമായുള്ള ഏഴ് കാറ്ററിംഗ് ഏജൻസികൾക്ക് ഷാഹി ബിരിയാണി പാകം ചെയ്യുന്നതിനായി കരാർ നൽകിയിട്ടുണ്ട്. അതിഥികൾക്കായി ഏകദേശം 40,000 പാക്കറ്റുകളും നാട്ടുകാർക്കായി 20,000 പാക്കറ്റുകളും പാകം ചെയ്തുവെന്ന് എംഎൽഎയുടെ അടുത്ത സഹായി വ്യക്തമാക്കി. ഭക്ഷണച്ചെലവിനായി മാത്രം 30 ലക്ഷം രൂപ ശേഖരിച്ചു. വേദിക്കായി ഏകദേശം 60-70 ലക്ഷം രൂപയാകും. 150 അടി നീളവും 80 അടി വീതിയുമുള്ള ഇത് 400 ഓളം അതിഥികൾക്ക് ഇരിക്കാവുന്ന വിധത്തിൽ 10 ലക്ഷം രൂപ ചെലവിലാണ് നിർമ്മിക്കുന്നത്.
ഏകദേശം 3,000 വളണ്ടിയർമാരെ വിന്യസിച്ചിട്ടുണ്ടെന്ന് സംഘാടകർ വ്യക്തമാക്കി, അതിൽ 2,000 പേർ വെള്ളിയാഴ്ച പുലർച്ചെ ജോലി ആരംഭിച്ചു. രാവിലെ 10 മണിക്ക് ഖുർആൻ പാരായണത്തോടെ ചടങ്ങ് ആരംഭിക്കുമെന്നും തുടർന്ന് ഉച്ചയ്ക്ക് സ്ഥാപക പരിപാടി നടക്കുമെന്നും കബീർ പറഞ്ഞു. ഔപചാരിക നടപടികൾ രണ്ട് മണിക്കൂർ മുമ്പ് ആരംഭിക്കും. വൈകിട്ട് 4 മണിയോടെ പോലീസ് നിർദ്ദേശപ്രകാരം പൂർത്തിയാക്കും. വെള്ളിയാഴ്ച കൽക്കട്ട ഹൈക്കോടതി നിർദ്ദേശത്തെത്തുടർന്ന്, എൻഎച്ച് 12 ലൂടെ പൊതു ക്രമസമാധാനവും തടസ്സമില്ലാത്ത ഗതാഗതവും ഉറപ്പാക്കുന്നതിനായി ജില്ലാ പൊലീസ് കബീറിന്റെ സംഘവുമായി ചർച്ച നടത്തുകയും ചെയ്തു.
