എംസി റോഡിൽ അടിച്ചുപൂസായി കുട്ടി കുതിരയുമായി നോട്ടക്കാരൻ; തലങ്ങും വിലങ്ങും വാഹനങ്ങൾ ചീറിപോകുന്നതും ശ്രദ്ധിക്കുന്നില്ല; കൂടെ ഉപദ്രവവും; നോക്കി നിന്ന് ആളുകൾ; സങ്കടം സഹിക്കാൻ വയ്യാതെ വിറ്റയാൾ; കുതിരയെ തിരികെ വാങ്ങി; നിങ്ങൾ ചെയ്തത് നന്മയെന്ന് നാട്ടുകാർ; ദൃശ്യങ്ങൾ വൈറൽ!
പത്തനംതിട്ട: സമൂഹത്തിൽ ഇപ്പോൾ മിണ്ടാപ്രാണികളോട് ക്രൂരത കാണിക്കുന്നത് വർധിക്കുകയാണ്. ചിലർ വീട്ടിലെ വളർത്തുമൃഗങ്ങളോട് വരെ വളരെ ദേഷ്യത്തോടെയാണ് പെരുമാറുന്നത്. ഇപ്പോൾ അങ്ങനെ ഒരു സംഭവമാണ് സോഷ്യൽ മീഡിയയിൽ വൈറലായിരിക്കുന്നത്.
വലിയ അപകടകരമായ രീതിയിൽ എംസി റോഡിൽ കുതിരയെ ഇറക്കിവിട്ട സംഭവത്തെ തുടർന്ന് കുതിരയെ തിരിച്ചുവാങ്ങിച്ച് നല്ല കാര്യം ചെയ്ത് വിറ്റയാൾ. മദ്യലഹരിയിൽ കുതിരയെ നടുറോഡിൽ ഇറക്കിവിടുകയും ഉപദ്രവിക്കുകയും ചെയ്തതോടെയാണ് കുതിരെയെ തിരികെവാങ്ങിയതെന്ന് പത്തനംതിട്ട തട്ടം സ്വദേശി ചിക്കു നന്ദന പറഞ്ഞു.
ഇന്നലെയാണ് കുതിരയുടെ നോട്ടക്കാരൻ മദ്യപിച്ച് ലക്കുകെട്ട് കുതിരയുമായി എംസി റോഡിലെത്തിയത്. തലങ്ങും വിലങ്ങും അപകടകരമായ രീതിയിൽ ഇയാൾ കുതിരയെ ഓടിക്കുന്നതും ദൃശ്യങ്ങളിൽ ഉണ്ട്.
ഇതിനെ തുടർന്നാണ് കുതിരയെ വിറ്റയാൾ തന്നെ തിരികെ എടുത്തിരിക്കുന്നത്. ചിക്കു നന്ദന എന്നയാളാണ് കൂരമ്പാല സ്വദേശിക്ക് കുതിരയെ വിറ്റത്. കുതിരെ ഉപദ്രവിച്ചതിനാലാണ് തിരികെ എടുത്തതെന്ന് ചിക്കു നന്ദന പറയുന്നു. കുതിരയെ വാങ്ങിയ ആളുടെ നോട്ടക്കാരനാണ് വളരെ ക്രൂരമായി കുതിരയെ ഉപദ്രവിച്ചിരുന്നത്.
നാട്ടുകാർക്കുൾപ്പെടെ നോട്ടക്കാരന്റെ പ്രവർത്തി പ്രതിസന്ധി സൃഷ്ടിച്ചിരുന്നു. കുതിരയുടെ ജീവന് തന്നെ ഭീഷണിയാകുമെന്ന് ബോധ്യപ്പെട്ടതോടെയാണ് കുതിരയെ തിരികെയെടക്കാൻ ഒടുവിൽ തീരുമാനിച്ചത്.
ഒടുവിൽ ദൃശ്യങ്ങൾ കണ്ടതിനെ തുടർന്നാണ് കുതിരയെ വാങ്ങിയ ആളെ വിളിച്ച് സംസാരിച്ചത്. നോട്ടക്കാരൻ കുതിരയെ മദ്യപിച്ചതിന് ശേഷം എടുത്തുകൊണ്ട് പോകുന്നുവെന്ന് അദ്ദേഹം പറഞ്ഞു. എങ്ങനെയെങ്കിലും കുതിരയെ രക്ഷിച്ചു കൊണ്ടു പോകണമെന്നാണ് അദ്ദേഹം ആവശ്യപ്പെട്ടതെന്നും ചിക്കു നന്ദനയുടെ വാക്കുകൾ.
വാങ്ങിയ പണം ഇതുവരെ അദ്ദേഹം ചോദിച്ചിട്ടില്ലെന്നും ചോദിച്ചാൽ കൊടുക്കുമെന്നും ചിക്കു നന്ദന പറയുന്നു. വിറ്റായാൾ കാണിച്ച നന്മ പ്രവർത്തിയെ എല്ലാവരും അഭിനന്ദിക്കുകയും ചെയ്തു.
