കോന്നി: കോന്നി പയ്യനാമണ്ണിൽ പാറമടയിൽ ഹിറ്റാച്ചിക്ക് മുകളിലേക്ക് കൂറ്റൻ പാറ വീണ് അപകടം. തൊഴിലാളികൾ കുടുങ്ങിക്കിടക്കുന്നതായാണ് പ്രാഥമിക വിവരം. ഒഡീഷ സ്വദേശികാണ് കുടുങ്ങിക്കിടക്കുന്നതെന്നാണ് വിവരങ്ങൾ ലഭിക്കുന്നത്. പണി നടക്കുന്നതിനിടെ പാറ വാഹനത്തിന് മുകളിലേക്ക് വീഴുകയായിരുന്നു.

രണ്ട് ഒഡീഷ സ്വദേശികളായ തൊഴിലാളികൾ മഹാദേവ്, അജയ് റായ് എന്നിവ‍ർ കുടുങ്ങിക്കിടക്കുന്നതായാണ് പ്രാഥമിക വിവരം. കുറേ കാലമായി ഖനനം നടക്കുന്ന പാറമടയാണ് ഇത്. പൊലീസും നാട്ടുകാരും സ്ഥലത്തുണ്ടെങ്കിലും നിലവിൽ അപട സ്ഥലത്തേക്ക് ഇറങ്ങാൻ പറ്റാത്ത സാഹചര്യമാണ്. പാറമടയുടെ മധ്യഭാഗത്തായിട്ടാണ് ഹിറ്റാച്ചി കുടുങ്ങിക്കിടക്കുന്നത്. അതിനാൽ ക്രെയിൻ ഉപയോഗിച്ച് മാത്രമേ ഇറങ്ങാൻ സാധിക്കുകയെന്നതാണ് പ്രതിസന്ധി.

ഇവരെ പുറത്തെടുക്കാൻ ശ്രമങ്ങൾ തുടരുകയാണ്. പണി നടക്കുന്നതിനിടെ പാറ വാഹനത്തിന് മുകളിലേക്ക് വീഴുകയായിരുന്നു. സ്ഥലത്ത് അധികൃതർ എത്തിയിട്ടുണ്ട്. രക്ഷാപ്രവർത്തനം നടന്നു കൊണ്ടിരിക്കുകയാണ്. കൂടുതൽ ആളുകൾ കുടുങ്ങിയോയെന്ന കാര്യവും പരിശോധിക്കുന്നുണ്ട്.

ഉച്ചഭക്ഷണം കഴിച്ച് ഷിഫ്റ്റ് പ്രകാരം ജോലിക്ക് കയറിയവരാണ് അപകടത്തിൽ പെട്ടത്. അപകടം നടന്ന സ്ഥലത്തേക്ക് എത്തിച്ചേരുക ഏറെ പ്രയാസകരമാണ്. വിവരമറിഞ്ഞ് പൊലീസും ഫയർ ഫോഴ്‌സും അടക്കം ഇവിടെയെത്തിയെങ്കിലും ഹിറ്റാച്ചിയുടെ അടുത്തേക്ക് പോകാൻ ഇതുവരെ സാധിച്ചിട്ടില്ല.

കോന്നിപാറമടഹിറ്റാച്ചിഅപകടംരക്ഷാപ്രവർത്തനം തുടരുന്നു

മറുനാടൻ മലയാളി ബ്യൂറോ