ശബരിമലയില്‍ നിന്നും മടങ്ങിയ വിവി ഗിരി ആദ്യം നിര്‍ദ്ദേശിച്ചത് ചൂരല്‍ കസേരയില്‍ ചുമന്ന നാലു പേര്‍ക്കും കേന്ദ്ര സര്‍ക്കാര്‍ ജോലി; പോലീസ് എത്തിയപ്പോള്‍ വീട്ടുകാര്‍ കള്ളം പറഞ്ഞത് പേയാട്ടുകാരന് വിനയായി; അടിയന്തരാവസ്ഥ എല്ലാം വിസ്മൃതിയിലാക്കി; ആദ്യ രാഷ്ട്രപതി വന്നപ്പോള്‍ മൂന്ന് പേര്‍ രക്ഷപ്പെട്ടു; കൃഷ്ണന് ദുരിതം തുടരുന്നു
തിരുവനന്തപുരം: അരനൂറ്റാണ്ട് മുന്‍പ് ശബരിമലയില്‍ അന്നത്തെ രാഷ്ട്രപതി വി.വി. ഗിരിയെ ഡോളിയില്‍ ചുമന്ന നാലുപേരില്‍ ഒരാള്‍ ഇന്ന് താമസിക്കുന്നത് തിരുവനന്തപുരത്ത്. പേയാട് സ്വദേശി കൃഷ്ണന് (81) അന്നത്തെ സംഭവങ്ങള്‍ നന്നായി ഓര്‍ക്കുന്നു. കേന്ദ്രസര്‍ക്കാര്‍ ജോലി ലഭിക്കാനുള്ള അവസരം നഷ്ടപ്പെടുത്തിയതിന്റെ വേദനയിലാണ് കൃഷ്ണന്റെ ജീവിതം. അരനൂറ്റാണ്ടിനിപ്പുറവും അവശനായ കൃഷ്ണന് ഒരു സെക്യൂരിറ്റി ജീവനക്കാരനായി ഉപജീവനം തേടുകയാണ്.
1973-ലായിരുന്നു ആ ചരിത്രപരമായ സംഭവം. രാഷ്ട്രപതി വി.വി. ഗിരി ശബരിമല ദര്‍ശനത്തിനെത്തിയപ്പോള്‍, പമ്പാ ഗണപതി ക്ഷേത്രമുറ്റത്ത് നിന്ന് സന്നിധാനത്തേക്ക് ഡോളിയില്‍ ചുമന്നത് കൃഷ്ണനും മറ്റ് മൂന്നുപേരും ചേര്‍ന്നാണ്. ചൂരല്‍ കസേരയില്‍ ഒരു ഭക്തന്റെ ആദ്യ ശബരിമല യാത്ര. അതിന് ശേഷമാണ് ഡോളി സംവിധാനം സന്നിധാനത്ത് സജീവമാകുന്നത്. കനത്ത സുരക്ഷയിലായിരുന്നു യാത്ര. ദര്‍ശനശേഷം ഡല്‍ഹിക്ക് മടങ്ങിയ രാഷ്ട്രപതി, തനിക്ക് സേവനം നല്‍കിയ ഈ നാലുപേര്‍ക്കും കേന്ദ്രസര്‍ക്കാര്‍ ജോലി നല്‍കാന്‍ പ്രത്യേകമായി ശുപാര്‍ശ ചെയ്തു.
നിയമനം സംബന്ധിച്ച വിവരങ്ങള്‍ ശേഖരിക്കാന്‍ പോലീസ് എത്തിയപ്പോള്‍ കൃഷ്ണന് വീട്ടിലുണ്ടായിരുന്നില്ല. ഭയം കാരണം, തങ്ങളുടെ വീട്ടില്‍ കൃഷ്ണന് യാതൊരു ബന്ധവുമില്ലെന്നും എവിടെയാണെന്ന് അറിയില്ലെന്നും വീട്ടുകാര്‍ പോലീസിനെ തെറ്റിദ്ധരിപ്പിച്ചു. ഈ മറുപടി കൃഷ്ണന്റെ ജീവിതം തന്നെ മാറ്റിമറിച്ചു. രണ്ടു വര്‍ഷത്തിനുശേഷം രാജ്യത്ത് അടിയന്തരാവസ്ഥ പ്രഖ്യാപിച്ചതോടെ, കൃഷ്ണന്റെ ഫയല്‍ വിസ്മൃതിയിലായി. ഡോളി ചുമന്ന മറ്റ് മൂന്നുപേര്‍ക്ക് കേന്ദ്രസര്‍ക്കാര്‍ ജോലി ലഭിച്ചപ്പോള്‍ കൃഷ്ണന് മാത്രം കിട്ടിയില്ല.
20-ാം വയസ്സില്‍ പമ്പയില്‍ ചുമട്ടുകാരനായാണ് കൃഷ്ണന് ശബരിമലയിലെത്തിയത്. 30 വയസ്സുവരെ അവിടെ തുടര്‍ന്നു. ഇന്ന് 81 വയസ്സുള്ള കൃഷ്ണന് കടുത്ത ആരോഗ്യപ്രശ്‌നങ്ങളാല്‍ വലയുകയാണ്. കെട്ടിടത്തില്‍ നിന്ന് വീണ് കിടപ്പിലായ മകന്‍ സുരേഷ് പെയിന്റിംഗ് തൊഴിലാളിയായിരുന്നു. ഭാര്യ കാഞ്ചനയും രോഗശയ്യയിലാണ്. ചെറിയൊരു വീട്ടില്‍ താമസിക്കുകയാണ് കൃഷ്ണന്.
ഇപ്പോഴും കൃഷ്ണന് സെക്യൂരിറ്റി ജോലി ചെയ്യുന്നു. രാഷ്ട്രപതിക്ക് ചെയ്ത ആ അമൂല്യ സേവനത്തിനുശേഷവും ജീവിതം ദുരിതത്തില്‍ തുടരുന്നുവെന്നതാണ് വസ്തുത.
