തീവ്ര ഇസ്ലാമിക ഭീഷണി ശക്തം; ഇനി ഭാഗവതും മോദിക്കും അമിത് ഷായ്ക്കും തുല്യന്‍; ആര്‍ എസ് എസ് അനുനയം ലക്ഷ്യമിട്ട് സുരക്ഷ കൂട്ടല്‍; പരിവാര്‍ ചര്‍ച്ച വീണ്ടും
ന്യൂഡല്‍ഹി: ആര്‍ എസ് എസിനെ അനുനയിപ്പിക്കാന്‍ കേന്ദ്ര സര്‍ക്കാരിന്റെ പുതി നീക്കം. ആര്‍.എസ്.എസ്. സര്‍സംഘ്ചാലക് മോഹന്‍ ഭാഗവതിന്റെ സുരക്ഷ പ്രധാനമന്ത്രി നരേന്ദ്ര മോദിക്കും കേന്ദ്ര ആഭ്യന്തര മന്ത്രി അമിത് ഷായ്ക്കും തുല്യമാക്കി. സെഡ് പ്ലസ് കാറ്റഗറിയില്‍ നിന്ന് അഡ്വാന്‍സ് സെക്യൂരിറ്റി ലെയ്സണ്‍ കാറ്റഗറിയിലേയ്ക്കാണ് മോഹന്‍ ഭാഗവതിന്റെ സുരക്ഷ വര്‍ധിപ്പിക്കുക. കേന്ദ്ര ആഭ്യന്തര മന്ത്രാലയത്തിന്റേതാണ് തീരുമാനം. തീവ്ര ഇസ്ലാമിക സംഘടനകളില്‍ നിന്നുള്‍പ്പെടെ മോഹന്‍ ഭാഗവതിന് ഭീഷണി നേരിടുന്നുണ്ടെന്നും ബി.ജെ.പി ഇതര സര്‍ക്കാര്‍ ഭരിക്കുന്ന സംസ്ഥാനങ്ങള്‍ സന്ദര്‍ശിക്കുമ്പോള്‍ അവിടുത്തെ സര്‍ക്കാര്‍ […]
ന്യൂഡല്‍ഹി: ആര്‍ എസ് എസിനെ അനുനയിപ്പിക്കാന്‍ കേന്ദ്ര സര്‍ക്കാരിന്റെ പുതി നീക്കം. ആര്‍.എസ്.എസ്. സര്‍സംഘ്ചാലക് മോഹന്‍ ഭാഗവതിന്റെ സുരക്ഷ പ്രധാനമന്ത്രി നരേന്ദ്ര മോദിക്കും കേന്ദ്ര ആഭ്യന്തര മന്ത്രി അമിത് ഷായ്ക്കും തുല്യമാക്കി. സെഡ് പ്ലസ് കാറ്റഗറിയില്‍ നിന്ന് അഡ്വാന്‍സ് സെക്യൂരിറ്റി ലെയ്സണ്‍ കാറ്റഗറിയിലേയ്ക്കാണ് മോഹന്‍ ഭാഗവതിന്റെ സുരക്ഷ വര്‍ധിപ്പിക്കുക. കേന്ദ്ര ആഭ്യന്തര മന്ത്രാലയത്തിന്റേതാണ് തീരുമാനം.
തീവ്ര ഇസ്ലാമിക സംഘടനകളില്‍ നിന്നുള്‍പ്പെടെ മോഹന്‍ ഭാഗവതിന് ഭീഷണി നേരിടുന്നുണ്ടെന്നും ബി.ജെ.പി ഇതര സര്‍ക്കാര്‍ ഭരിക്കുന്ന സംസ്ഥാനങ്ങള്‍ സന്ദര്‍ശിക്കുമ്പോള്‍ അവിടുത്തെ സര്‍ക്കാര്‍ ഏജന്‍സികള്‍ തികച്ചും അശ്രദ്ധമായ രീതിയിലാണ് ആര്‍.എസ്.എസ്. നേതാവിന്റെ സുരക്ഷാ ക്രമീകരണം ഏര്‍പ്പെടുത്തുന്നതെന്നുമാണ് കേന്ദ്ര ആഭ്യന്തര മന്ത്രാലയത്തിന്റെ കണ്ടെത്തല്‍. ഈ സാഹചര്യത്തിലാണ് പുതിയ തീരുമാനം. ലോക്‌സഭാ തിരഞ്ഞെടുപ്പിന് ശേഷം മോദിയെ പരോക്ഷമായി വിമര്‍ശിച്ചിരുന്നു ഭാഗവത്.
ബിജെപിക്ക് സീറ്റ് കുറഞ്ഞത് ആര്‍ എസ് എസ് നീക്കം കാരണമാണെന്നും വിലയിരുത്തലെത്തി. ബിജെപിയുമായി ആര്‍ എസ് എസ് സഹകരണം നിര്‍ത്തുമെന്നും രിപ്പോര്‍ട്ടെത്തി. ഇതിനിടെ കേന്ദ്ര സര്‍ക്കാര്‍ ജീവനക്കാര്‍ക്ക് ആര്‍ എസ് എസ് പരിപാടികളില്‍ പങ്കെടുക്കുന്നതിനുള്ള വിലക്ക് മോദി സര്‍ക്കാര്‍ നീക്കി. യുപിയില്‍ മുഖ്യമന്ത്രിയായി യോഗി ആദിത്യനാഥ് തുടരുമെന്നും ബിജെപി നിലപാട് എടുത്തു. ഇതോടെ ആര്‍ എസ് എസ് അയഞ്ഞു. ഇതിന് പിന്നാലെയാണ് മോദിക്കും അമിത് ഷായ്ക്കും ഒപ്പമാക്കി മോഹന്‍ ഭാഗവതിനേയും മാറ്റുന്നത്.
സി.ഐ.എസ്.എഫിനാണ് സുരക്ഷാ ചുമതല. ഭാഗവതിന്റെ സുരക്ഷ ഉയര്‍ത്താന്‍ രണ്ടാഴ്ച മുമ്പ് എടുത്ത തീരുമാനം എല്ലാ സംസ്ഥാനങ്ങളേയും കേന്ദ്ര ഭരണ പ്രദേശങ്ങളെയും കേന്ദ്ര ആഭ്യന്തര മന്ത്രാലയം അറിയിച്ചു. മോഹന്‍ ഭാഗവത് സഞ്ചരിക്കുന്ന വഴികളില്‍ ഇനി മുതല്‍ കനത്ത സുരക്ഷാ ക്രമീകരണമായിരിക്കും. കേന്ദ്ര ഏജന്‍സികളുമായി സഹകരിച്ച് സംസ്ഥാന പോലീസും മറ്റു ഡിപ്പാര്‍ട്‌മെന്റുകളും ഇത് വ്യന്യസിക്കും. വിമാന യാത്രകള്‍ക്കും ട്രെയിന്‍ യാത്രകള്‍ക്കും പ്രത്യേക സുരക്ഷാ പ്രോട്ടോക്കോള്‍ ആയിരിക്കും.
മോഹന്‍ ഭാഗവത് സഞ്ചരിക്കുന്ന ട്രെയിന്‍ കമ്പാര്‍ട്‌മെന്റിനുള്ളിലും സമീപത്തും പരിശോധന കര്‍ശനമാക്കും. പരിശോധന കൂടാതെ ആരെയും കടത്തിവിടില്ല. പ്രത്യേക സുരക്ഷാ ക്രമീകരണങ്ങളുള്ള ഹെലികോപ്ടറുകളില്‍ കര്‍ശന സുരക്ഷാ പ്രോട്ടോക്കോള്‍ പാലിച്ചേ ഭാഗവതിന്റെ യാത്ര ഉണ്ടാകൂവെന്നാണ് കേന്ദ്ര സര്‍ക്കാര്‍ അറിയിപ്പ്. ചിലര്‍ ദൈവമാകാന്‍ ശ്രമിക്കുന്നുവെന്ന ഭാഗവതിന്റെ ഒളിയമ്പാണ് മോദിയെ കൊണ്ട് ഇതെല്ലാം ചെയ്യിക്കുന്നതെന്നാണ് പ്രതിപക്ഷ ആരോപണം.
