ഡേറ്റ് കഴിഞ്ഞ 'ബ്രെസ്റ്റ് മിൽക്ക്' ആളുകൾ എനിക്ക് അയച്ച് തരും; അതീന്നാണ് ഞാൻ ഉണ്ടാക്കുന്നത്; ചിലർക്ക് ഇത് കാണുമ്പോൾ വെറുപ്പാണ്; എല്ലാ ചർമരോഗങ്ങളും പമ്പ കടക്കുമെന്നത് ഉറപ്പ്; മുലപ്പാലിൽ നിന്നും സോപ്പ് ഉണ്ടാക്കി യുവതി; ഗുണങ്ങൾ വെളിപ്പെടുത്തി വീഡിയോ; സോഷ്യൽ ലോകത്ത് തീപ്പാറും ചർച്ച!

കാലം മാറുമ്പോൾ ഓരോ പുതിയ ആശയങ്ങളാണ് ലോകത്തിന് മുന്നിൽ മനുഷ്യർ കൊണ്ടുവരുന്നത്. അങ്ങനെയൊരു വ്യത്യസ്തമായ ആശയമാണ് മുലപ്പാൽ ഉപയോഗിച്ച് കണ്ടുപിടിക്കുന്നത്. ഇപ്പോൾ ഭക്ഷ്യപദാർത്ഥങ്ങളിൽ വരെ മുലപ്പാൽ ഉപയോഗിക്കാൻ ശ്രമിക്കാറുണ്ട്.ഇടയ്ക്ക് മുലപ്പാൽ ഉപയോഗിച്ചുള്ള ഐസ്ക്രീം വരാൻ പോകുന്നു എന്ന വാർത്തയും വൈറലായിരുന്നു. ഇപ്പോഴിതാ, അങ്ങനെയൊരു സംഭവമാണ് സോഷ്യൽ മീഡിയയിൽ ചർച്ചയായിരിക്കുന്നത്. ഒരു യുവതി മുലപ്പാലിൽ നിന്നും സോപ്പ് ഉണ്ടാക്കിയിരിക്കുകയാണ് ഇതിന് നിരവധി ഗുണങ്ങൾ ഉണ്ടെന്നും ഇവർ അവകാശപ്പെടുന്നു.

ലിയോ ജൂഡ് സോപ്പ് കമ്പനിയുടെ ഉടമയായ ടെയ്‌ലർ റോബിൻസൺ അതിൽ നിന്നും വിവിധ ഉത്പ്പന്നങ്ങൾ ഉണ്ടാക്കുന്നത്. ഇത്തരം മുലപ്പാൽ ഉപയോഗിച്ച് സോപ്പുകൾ മുതൽ പ്രകൃതിദത്തമായ വിവിധ ബാത്തിം​ഗ് പ്രൊഡക്ടുകളാണ് ഇവർ വിൽക്കുന്നത്. നവജാത ശിശുക്കൾക്ക് നൽകുന്ന ഏറ്റവും നല്ല ഭക്ഷണമായിട്ടാണ് മുലപ്പാൽ കണക്കാക്കപ്പെടുന്നത്. പക്ഷെ, ഇതിൽ നിന്നും എക്സിമ, സോറിയാസിസ്, ക്രാഡിൽ ക്യാപ്സ് തുടങ്ങിയ ചർമ്മപ്രശ്നങ്ങളെ ചെറുക്കുന്ന വിവിധ ഉത്പ്പന്നങ്ങൾ നിർമ്മിക്കുകയാണ് താൻ ചെയ്യുന്നത് എന്നാണ് ടെയ്‌ലർ റോബിൻസൺ പറയുന്നത്.

ഇൻസ്റ്റ​ഗ്രാമിൽ പ്രചരിച്ചു കൊണ്ടിരിക്കുന്ന ഒരു വീഡിയോയിൽ ടെയ്ലർ ഇതേ കുറിച്ച് വിശദീകരിക്കുന്നത് കാണാം. ഒപ്പം എങ്ങനെയാണ് ഈ മുലപ്പാൽ വിവിധ ഉത്പ്പന്നങ്ങളായി മാറുന്നത് എന്നും വീഡിയോയിൽ കാണുന്നുണ്ട്. തന്റെ ഈ പ്രൊഡക്ടുകൾ ആളുകളിൽ വിവിധ ചർമ്മ പ്രശ്നങ്ങൾ പരിഹരിക്കാൻ സഹായിക്കുന്നുണ്ട് എന്നാണ് അവൾ പറയുന്നത്. ആളുകൾ സമയം കഴിഞ്ഞ മുലപ്പാൽ തങ്ങൾക്ക് അയക്കുകയാണ് ചെയ്യുന്നത്. അതിൽ നിന്നും സോപ്പുകൾ ഉണ്ടാക്കി എടുക്കുകയാണ് തന്റെ കമ്പനി ചെയ്യുന്നത് എന്നും ടെയ്ലർ വ്യക്തമാക്കുന്നു.

മുലപ്പാലിൽ നിന്നും കിട്ടുന്ന ​ഗുണങ്ങൾ തന്റെ ഈ ഉത്പ്പന്നങ്ങളിൽ നിന്നും ലഭിക്കുന്നു എന്നും ടെയ്ലർ പറയുന്നു. ഇത് കാണുമ്പോൾ ചിലർക്ക് വെറുപ്പും അറപ്പും തോന്നാറുണ്ടെന്നും. എന്നാൽ, മറ്റ് ചിലർക്ക് അമ്പരപ്പും അത്ഭുതവുമാണ് തോന്നാറുള്ളതെന്നും അവർ പറയുന്നു.

നിരവധിപ്പേരാണ് ഇൻസ്റ്റ​ഗ്രാമിൽ പങ്കുവച്ചിരിക്കുന്ന ഈ വീഡിയോയ്ക്ക് കമന്റുകൾ നൽകിയിരിക്കുന്നത്. ചിലർക്ക് ഇത് അം​ഗീകരിക്കാൻ കഴിഞ്ഞില്ലെങ്കിൽ മറ്റ് ചിലർ ചോദിക്കുന്നത് ഇതിനെ നോർമലൈസ് ചെയ്ത് കാണുന്നവരും ഉണ്ട്. എന്തായാലും മുലപ്പാൽ സോപ്പ് ഇപ്പോൾ സോഷ്യൽ മീഡിയയിൽ വൻ ചർച്ചയായിരിക്കുകയാണ്.