ഇതോ സുവര്ണകേരളം! ശിവലിംഗത്തിലേക്ക് ആര്ത്തവരക്തം വീഴുന്ന ലോട്ടറി ടിക്കറ്റിലെ ചിത്രം; ജനുവരി രണ്ടിന് നറക്കെടുക്കുന്ന സുവര്ണകേരളം ലോട്ടറിയിലെ ചിത്രത്തിനെതിരെ വ്യാപക പ്രതിഷേധം; ആ ശിവലിംഗത്തിന് ചുറ്റും ഒരു കറുത്ത തുണി കൊണ്ടുള്ള മറകെട്ടി ഇതേ ചിത്രം കൊടുക്കാമോ എന്ന് ശശികല ടീച്ചര്
തിരുവനന്തപുരം: ശിവലിംഗത്തിലേക്ക് ആര്ത്തവ രക്തം വീഴുന്ന ചിത്രത്തോടുകൂടിയ സുവര്ണകേരളം ലോട്ടറി ടിക്കറ്റ് വിവാദത്തില്. ലോട്ടറി ഡിപ്പാര്ട്ട്മെന്റ് ഇറക്കിയ എസ്കെ 34 സീരില് 2026 ജനുവരി രണ്ടിന് നെറുക്കെടുക്കുന്ന ലോട്ടറി ടിക്കറ്റിലാണ് ചിത്രം ആലേഖനം ചെയതിട്ടുള്ളത്. ഇതിനെതിരെ കടുത്ത പ്രതിഷേധമാണ് ഉയരുന്നത്.
പിണറായി സര്ക്കാരും നയിക്കുന്ന പാര്ട്ടിയും നിരന്തരമായി ഹിന്ദു വിശ്വാസങ്ങളെ അവഹേളിക്കുന്നത് പതിവാക്കി മാറ്റിയിരിക്കുകയാണെന്ന് ഹിന്ദുഐക്യവേദി സംസ്ഥാന പ്രസിഡന്റ് ആര്.വി.ബാബു ഫെസ് ബുക്കില് കുറിച്ചു. ഇത്തരം നടപടികളില് കൈയടിക്കുന്ന മാനസിക രോഗികളുടെ പിന്തുണയാവാം സര്ക്കാരിന്റെ പ്രചോദനം. സനാതന ധര്മ്മത്തെ ഏത് വിധേനേയും തകര്ക്കുക എന്ന ലക്ഷ്യത്തോടെ പ്രവര്ത്തിക്കുന്നവരുടെ സംഘടിത ആക്രമണമാണ് ഇക്കാലയളവില് കേരളത്തില് നടന്നുകൊണ്ടിരിക്കുന്നത്. ഹിന്ദു സമൂഹം കണ്ണുതുറക്കാന് തയ്യാറല്ലങ്കില് അത് ആത്മനാശമാണ് വരുത്തി വക്കുന്നതെന്നും കുറിപ്പിലുണ്ട്.
അടുത്ത ലോട്ടറിയില് ആ ശിവലിംഗത്തിന ചുറ്റും ഒരു കറുത്ത തുണി കൊണ്ടുള്ള മറകെട്ടി ഇതേ ചിത്രം കൊടുക്കാമോ? ഈ ചലഞ്ച് ഏറ്റെടുക്കാമോയെന്നും ശശികല ടീച്ചര് ചോദിച്ചു. കേരളസര്ക്കാര് ഇതിലൂടെ അര്ത്ഥമാക്കിയതെന്ത് ? ലോട്ടറിയും ശിവലിംഗവും തമ്മിലുള്ള ബന്ധമെന്ത് ? ഈ ടിക്കറ്റ് ഇനി വില്ക്കാന് പാടില്ല, അത് പിന്വലിക്കണം. ഉത്തരവാദികള് ശിക്ഷിക്കപ്പെടണമെന്നും ശശികല ടീച്ചര് പറഞ്ഞു.
ഹിന്ദുവിനെയും, ഹിന്ദുമത വിശ്വാസങ്ങളെയും അധിക്ഷേപിക്കുന്നത് അവസാനിപ്പിക്കാറായില്ലേ എന്ന് ബിജെപി സംസ്ഥാന ജനറല് സെക്രട്ടറി അഡ്വ.എസ്.സുരേഷ് പ്രതികരിച്ചു. ലൈംഗിക വൈകൃതങ്ങള് സംസ്കാരമായി പ്രകടിപ്പിക്കുന്ന കമ്യൂണിസ്റ്റ് തലച്ചോറുകള് തച്ചുടയ്ക്കേണ്ട കാലം കഴിഞ്ഞു. അയ്യപ്പന്റെ മുതല് കട്ടുതിന്നുന്ന പിണറായിയും കൂട്ടരും ഇപ്പോള് സുവര്ണ്ണ കേരളം എന്ന പേരില് ഇറക്കിയ ലോട്ടറിയില് ശിവലിംഗത്തില് ആര്ത്തവ രക്തം വീഴ്ത്തുന്ന ലൈംഗികആഭാസം ചിത്രീകരിച്ചു വിശ്വാസികളെ അധിഷേപിച്ചിരിക്കുന്നുവെന്നും സുരേഷ് പറഞ്ഞു.
ശശികല ടീച്ചറുടെ ഫേസ്ബുക്ക് കുറിപ്പ്:
ഇതെന്താണ്?
കേരളസര്ക്കാര് ഇതിലൂടെ അര്ത്ഥമാക്കിയതെന്ത് ?
ലോട്ടറിയും ശിവലിംഗവും തമ്മിലുള്ള ബന്ധമെന്ത് ?
ഏത് സഖാവിന്റെ സ്വന്തം സഖാത്തിയുടേതാണ് ശിവലിംഗത്തിലേക്ക് ധാരയിട്ടുന്ന ഈ photo.
ആര്ട്ട് ഇന്സ്റ്റലേഷന് എന്നൊന്നും പറഞ്ഞു വരണ്ട
അടുത്ത ലോട്ടറിയില്
ആ ശിവലിംഗത്തിന ചുറ്റും ഒരു കറുത്ത തുണി കൊണ്ടുള്ള മറകെട്ടി ഇതേ ചിത്രം കൊടുക്കാമോ?
ഈ ചലഞ്ച് ഏറ്റെടുക്കാമോ?
ഇത് ട്രോളില് നില്ക്കുന്നതല്ല എന്നറിയാം
ഈ ടിക്കറ്റ് ഇനി വില്ക്കാന് പാടില്ല
അത് പിന്വലിക്കണം
ഉത്തരവാദികള് ശിക്ഷിക്കപ്പെടണം.
കേരള ലളിത കലാ അക്കാദമിയിലെ ടോം ജോസഫ് എന്ന ക്രിസ്ത്യാനിയുടെ ഒരു പെയിന്റിംഗ് ആണ് ഇത്. ..
കേക്കുമുറിക്കാഞ്ഞാല്
പാപ്പ വേഷം കെട്ടാഞ്ഞാല് തകര്ന്നു വീഴുന്ന മതേതരത്വത്തെ സംരക്ഷിക്കാന് പെടാപ്പാടുപ്പെട്ട ഈ മതേതരനും സര്ക്കാരിനും സ്തോത്രം
ഇതില്, മേലെയുള്ള സ്ത്രീയോനിയില് നിന്നുള്ള അര്ത്തവരക്തം കുറിയൊക്കെ വരച്ചു വെച്ചിട്ടുള്ള ശിവലിംഗത്തിന് മേലേക്ക് ഇറ്റിറ്റ് വീഴുന്നതായി വരച്ചിരിക്കുന്നു. .
ഇത്തവണ സുവര്ണ കേരളം ഭാഗ്യക്കുറിയുടെ ചിത്രമായി അതില് പ്രിന്റ് ചെയ്തു വെച്ചിരിക്കുന്നത് ഈ ചിത്രമാണ് ..!.
