എപ്സ്റ്റീന്റെ വലംകൈ ഗിസ്ലെയിന് മാക്സ്വെല്ലിന്റെ കിടപ്പറയില് മുന് ബ്രിട്ടീഷ് പ്രധാനമന്ത്രിയും? ഗിസ്ലെയിനുമായി മൂന്നാളുകള് ചേര്ന്നുള്ള ലൈംഗിക ബന്ധത്തില് മുന് പ്രധാനമന്ത്രി ഏര്പ്പെട്ടെന്ന് ചരിത്രകാരന് ലോവ്നി; എപ്സ്റ്റീന്റെ വളര്ത്തുമൃഗമാകാന് കൊതിച്ച ആന്ഡ്രൂ രാജകുമാരന്; മാന്ഡല്സണിന്റെ അടിവസ്ത്രം ധരിച്ച ചിത്രങ്ങള് പുറത്ത്; കീര് സ്റ്റാര്മര് പ്രതിക്കൂട്ടില്!
എപ്സ്റ്റീന്റെ വലംകൈ ഗിസ്ലെയിന് മാക്സ്വെല്ലിന്റെ കിടപ്പറയില് മുന് ബ്രിട്ടീഷ് പ്രധാനമന്ത്രിയും?
ലണ്ടന്: ലോകത്തെ നടുക്കിയ ജെഫ്രി എപ്സ്റ്റീന് ലൈംഗിക അഴിമതിയില് ബ്രിട്ടീഷ് രാഷ്ട്രീയ-രാജ കുടുംബങ്ങളെ പിടിച്ചുലയ്ക്കുന്ന പുതിയ വെളിപ്പെടുത്തലുകള്. അമേരിക്കന് നീതിന്യായ വകുപ്പ് പുറത്തുവിട്ട ലക്ഷക്കണക്കിന് രേഖകള്ക്ക് പിന്നാലെ, ഒരു മുന് ബ്രിട്ടീഷ് പ്രധാനമന്ത്രി കൂടി ഈ ലൈംഗിക റാക്കറ്റിന്റെ ഭാഗമായിരുന്നു എന്ന ഞെട്ടിക്കുന്ന വിവരമാണ് ഇപ്പോള് പുറത്തുവരുന്നത്.
മുന് പ്രധാനമന്ത്രിയുടെ 'ത്രീസം'
'പ്രശസ്ത രാജകൊട്ടാര ചരിത്രകാരന് ആന്ഡ്രൂ ലോവ്നിയാണ് ഈ സ്ഫോടനാത്മക വെളിപ്പെടുത്തല് നടത്തിയത്. എപ്സ്റ്റീന്റെ വലംകൈയ്യും ലൈംഗിക കടത്തുകാരിയുമായ ഗിസ്ലെയിന് മാക്സ്വെല്ലുമായി ഒരു മുന് ബ്രിട്ടീഷ് പ്രധാനമന്ത്രി 'ത്രീസം' (Threesome) ബന്ധത്തില് ഏര്പ്പെട്ടിരുന്നുവെന്ന് ലോവ്നി ആരോപിക്കുന്നു.
ഈ നേതാവ് ആരാണെന്ന് അദ്ദേഹം വെളിപ്പെടുത്തിയില്ലെങ്കിലും, അത് വിന്സ്റ്റണ് ചര്ച്ചില് അല്ലെന്ന് പരിഹസിച്ചുകൊണ്ട് സമീപകാലത്ത് ഭരിച്ചവരില് ഒരാളാണെന്ന സൂചനയാണ് നല്കിയത്.
'ലൈംഗിക പങ്കാളിത്തങ്ങളെ (threesomes) കുറിച്ച് ഞാന് ധാരാളം കേട്ടിട്ടുണ്ട് - ഗിസ്ലെയിനും ഒരു ബ്രിട്ടീഷ് പ്രധാനമന്ത്രിയും തമ്മിലുള്ള അത്തരമൊരു ബന്ധത്തെക്കുറിച്ചും.' ഇത് ഈ അടുത്ത കാലത്തുള്ള പ്രധാനമന്ത്രിയാണോ എന്ന് അവതാരക സാറ വൈന് ചോദിച്ചപ്പോള് അദ്ദേഹം മറുപടി നല്കി: 'ഒരു മുന് പ്രധാനമന്ത്രിയാണ്, പക്ഷേ അത് വിന്സ്റ്റണ് ചര്ച്ചില് അല്ല.' ഈ സ്ഫോടനാത്മക ആരോപണങ്ങളെക്കുറിച്ച് മിസ്റ്റര് ലോവ്നി കൂടുതല് വിശദീകരിച്ചില്ല.
ലോര്ഡ് മാന്ഡല്സണിന്റെ വീടുകളില് റെയ്ഡ്
എപ്സ്റ്റീനുമായുള്ള അവിശുദ്ധ ബന്ധത്തിന്റെ പേരില് ബ്രിട്ടീഷ് രാഷ്ട്രീയത്തിലെ കരുത്തനായ ലോര്ഡ് മാന്ഡല്സണ് ഇപ്പോള് കടുത്ത പ്രതിസന്ധിയിലാണ്. ബിസിനസ് സെക്രട്ടറി ആയിരുന്നപ്പോള് എപ്സ്റ്റീന് രഹസ്യ വിവരങ്ങള് ചോര്ത്തി നല്കിയെന്ന ആരോപണത്തെത്തുടര്ന്ന് ലണ്ടനിലെയും വില്റ്റ്ഷയറിലെയും അദ്ദേഹത്തിന്റെ വസതികളില് പോലീസ് റെയ്ഡ് നടത്തി. മാന്ഡല്സണ് അടിവസ്ത്രം മാത്രം ധരിച്ചു നില്ക്കുന്ന ചിത്രങ്ങളും പുറത്തുവന്നിട്ടുണ്ട്. ഇദ്ദേഹത്തെ യുഎസ് അംബാസഡറായി നിയമിച്ച കീര് സ്റ്റാര്മര് സര്ക്കാരിനെതിരെയും പ്രതിഷേധം ശക്തമാണ്.
കൊട്ടാരത്തില് നിന്ന് പുറത്താക്കപ്പെട്ട ആന്ഡ്രൂ രാജകുമാരന്
പുതിയ വെളിപ്പെടുത്തലുകള് വന്നതോടെ ആന്ഡ്രൂ രാജകുമാരനെ (Duke of York) റോയല് ലോഡ്ജില് നിന്ന് ചാള്സ് രാജാവ് പുറത്താക്കി. എപ്സ്റ്റീന് അയച്ച ഇമെയിലുകളില് തനിക്ക് അദ്ദേഹത്തിന്റെ 'വളര്ത്തുമൃഗമാകാന്' (Pet) ആഗ്രഹമുണ്ടെന്ന് ആന്ഡ്രൂ എഴുതിയത് പുറത്തായതാണ് രാജാവിനെ ചൊടിപ്പിച്ചത്. കൂടാതെ, ബക്കിംഗ്ഹാം കൊട്ടാരത്തില് വെച്ച് രാജകുമാരന് ലൈംഗിക ബന്ധത്തില് ഏര്പ്പെട്ടുവെന്ന രണ്ടാമത്തെ യുവതിയുടെ ആരോപണവും പോലീസ് പരിശോധിക്കുന്നുണ്ട്.
ബ്രിട്ടീഷ് ഭരണകൂടത്തിന്റെ ഉന്നത ശ്രേണികളില് എപ്സ്റ്റീന്റെ സ്വാധീനം എത്രത്തോളമുണ്ടായിരുന്നു എന്നതിലേക്കാണ് ഈ പുതിയ ഫയലുകള് വിരല് ചൂണ്ടുന്നത്. വരും ദിവസങ്ങളില് കൂടുതല് പ്രമുഖരുടെ പേരുകള് പുറത്തുവരുമെന്നാണ് റിപ്പോര്ട്ടുകള് സൂചിപ്പിക്കുന്നത്.
എപ്സ്റ്റീന് ഫയലുകളുടെ ഏറ്റവും പുതിയ ഭാഗങ്ങളില് ആന്ഡ്രൂ മൗണ്ട് ബാറ്റണ്-വിന്സറെക്കുറിച്ച് ഇനിയും 'ധാരാളം' പുറത്തുവരാനുണ്ടെന്ന് എഴുത്തുകാരന് ആന്ഡ്രൂ ലോവ്നിയും പറഞ്ഞു. ആന്ഡ്രൂവിന്റെ അനധികൃത ജീവചരിത്രമായ 'എന്റ്റൈറ്റില്ഡ്: ദി റൈസ് ആന്ഡ് ഫാള് ഓഫ് ദ ഹൗസ് ഓഫ് യോര്ക്കിന്റെ' രചയിതാവായ ലോവ്നി, മെയിലിന്റെ ഡീപ്പ് ഡൈവ് പോഡ്കാസ്റ്റിലാണ് ഈ അവകാശവാദങ്ങള് ഉന്നയിച്ചത്. കഴിഞ്ഞ ആഴ്ച യുഎസ് നീതിന്യായ വകുപ്പ് പുറത്തുവിട്ട മൂന്ന് ദശലക്ഷം രേഖകളുടെ ഏറ്റവും പുതിയ ശേഖരത്തെക്കുറിച്ച് അദ്ദേഹം ചര്ച്ച ചെയ്യുകയായിരുന്നു.
