പ്രവീണയുടെ ഭര്‍ത്താവിന്റെ അച്ഛനും സഹോദരി മകളും സംഭവ സമയം വീട്ടിലുണ്ടായിരുന്നു; വെള്ളം ചോദിച്ച് അടുക്കളയിലേക്ക് വന്ന പരിചയക്കാരന്‍ പെട്രോള്‍ ഒഴിച്ച് ഗള്‍ഫുകാരന്റെ ഭാര്യയെ തീകൊളുത്തി; അവര്‍ക്ക് ഏറെ നാളത്തെ സൗഹൃദം; 35കാരിയെ ആക്രമിച്ചത് കൂട്ടാവിലെ 40കാരന്‍; ഉരുവച്ചാലില്‍ പ്രകോപനം അജ്ഞാതം
കണ്ണൂര്‍: കുറ്റിയാട്ടൂര്‍ ഉരുവച്ചാലില്‍ യുവതിയെ തീ കൊളുത്തി കൊല്ലാനുള്ള ശ്രമത്തിന് പിന്നിലെ കാരണം കണ്ടെത്താന്‍ അന്വേഷണം. കുട്ടാവ് സ്വദേശിയായ ജിജേഷ് (40) ആണ് പ്രവീണയെ (35) തീകൊളുത്തിയത്. ബുധനാഴ്ച ഉച്ചകഴിഞ്ഞു രണ്ടു മണിയോടെയാണ് സംഭവം. ഇരുവര്‍ക്കും സാരമായി പൊള്ളലേറ്റു.
വെള്ളം ചോദിച്ചെത്തിയ ജിജേഷ്, വീടിനു പിറകുവശത്തുണ്ടായിരുന്ന പ്രവീണയുടെ മേല്‍ ഇന്ധനം ഒഴിച്ചു തീ കൊളുത്തുകയായിരുന്നു. സാരമായി പൊള്ളലേറ്റ ഇവരെ പരിയാരം മെഡിക്കല്‍ കോളജ് ആശുപത്രയില്‍ പ്രവേശിപ്പിച്ചു. ബഹളം കേട്ടെത്തിയ നാട്ടുകാരാണ് ഇവരെ ആശുപത്രിയില്‍ എത്തിച്ചത്. പ്രവീണയുടെ ഭര്‍ത്താവിന്റെ വീടാണ് ഉരുവച്ചാലില്‍. സ്വന്തം വീട് കുട്ടാവാണ്. യുവാവും യുവതിയും തമ്മില്‍ നേരത്തെ അറിയുന്നവരാണ്. പ്രവീണയുടെ ഭര്‍ത്താവിന് വിദേശത്താണ് ജോലി. അക്രമത്തിനു കാരണം കണ്ടെത്താന്‍ പോലീസ് വിശദ അന്വേഷണം തുടങ്ങി. യുവതിയുടെ നില ഗുരുതരമാണ്.
ബുധന്‍ പകല്‍ രണ്ടോടെയാണ് നാടിനെ നടുക്കിയസംഭവം. ഉരുവച്ചാലിലെ അജീഷിന്റെ ഭാര്യ പ്രവീണയെയാണ് ഇരിക്കൂര്‍ കുട്ടാവ് സ്വദേശി ജിജേഷ് പെട്രോള്‍ ഒഴിച്ച് തീകൊളുത്തിയത്. പ്രവീണയുടെ ഭര്‍ത്താവിന്റെ അച്ഛനും സഹോദരി മകളും സംഭവസമയം വീട്ടിലുണ്ടായിരുന്നു. സഹോദരിയുടെ മകള്‍ ഉറക്കെ നിലവിളിച്ചതോടെ നാട്ടുകാരും പിന്നാലെ പൊലീസുമെത്തുകയായിരുന്നു. ജിജേഷിനും പൊള്ളലുണ്ട്. സാരമായി പൊള്ളലേറ്റ ഇരുവരെയും കണ്ണൂര്‍ പരിയാരം മെഡിക്കല്‍ കോളേജില്‍ തീവ്രപരിചരണ വിഭാഗത്തില്‍ പ്രവേശിപ്പിച്ചു.
ബഹളത്തിനൊപ്പം പുക ഉയരുന്നത് കണ്ട് സമീപവാസികള്‍ നോക്കിയപ്പോഴാണ് വീട്ടില്‍ ഇരുവരെയും കണ്ടെത്തുന്നത്. ജിജേഷ് വീട്ടിലേക്കെത്തി പ്രവീണയെ തീ കൊളുത്തിയ ശേഷം ആത്മഹത്യക്ക് ശ്രമിക്കുകയായിരുന്നു എന്നാണ് പോലീസില്‍ നിന്ന് പ്രാഥമികമായി ലഭിക്കുന്ന വിവരം. പ്രവീണയുടെ ഭര്‍ത്താവ് ഗള്‍ഫിലാണ് ജോലി ചെയ്യുന്നത്. ജിജേഷും പ്രവീണയും തമ്മില്‍ ഏറെ നാളത്തെ സൗഹൃദം ഉള്ളതായി പോലീസ് പറയുന്നു. എന്തുകാരണം കൊണ്ടാണ് ആക്രമണം ഉണ്ടായതെന്ന കാര്യത്തില്‍ വ്യക്തതിയില്ല. യുവാവ് കയ്യില്‍ കരുതിയ പെട്രോള്‍ യുവതിയുടെ ദേഹത്തേക്ക് ഒഴിച്ച് തീ കൊളുത്തുകയായിരുന്നു.
കണ്ണൂര്‍ എസിപിയുടെ നേതൃത്വത്തിലുള്ള പൊലീസ് സംഘം സ്ഥലത്തെത്തി തെളിവെടുപ്പ് നടത്തി. വീട്ടിനുള്ളില്‍ അടുക്കള ഭാഗത്ത് വെച്ചാണ് ഇരുവര്‍ക്കും പൊള്ളലേറ്റത്. പൊലിസ് അയല്‍വാസികളില്‍ നിന്നും നാട്ടുകാരില്‍ നിന്നും മൊഴിയെടുത്തിട്ടുണ്ട്. വ്യക്തിവൈരാഗ്യമാണ് ജിജേഷ് അക്രമം നടത്തിയതിന് പിന്നിലെന്നാണ് പൊലിസിന് ലഭിച്ച പ്രാഥമിക വിവരം ഇതേ കുറിച്ചു അന്വേഷണം നടന്നുവരികയാണ്.
