തായ്‌ലന്റില്‍ പോയി കുടിച്ചു കൂത്താടാന്‍ നില്‍ക്കുന്നവര്‍ സൂക്ഷിക്കുക! മദ്യപാനം പോക്കറ്റു കീറുന്നതാകരുത്; സമയം തെറ്റിച്ചുള്ള മദ്യപാനത്തിന് പിഴയൊടുക്കേണ്ടി വരും; വിനോദസഞ്ചാരികള്‍ തിരിച്ചറിയല്‍ രേഖ കൈവശം വയ്ക്കണമെന്നും മദ്യപിക്കുന്ന സമയം ശ്രദ്ധിക്കണമെന്നും അധികൃതര്‍
തായ്‌ലന്റില്‍ പോയി കുടിച്ചു കൂത്താടാന്‍ നില്‍ക്കുന്നവര്‍ സൂക്ഷിക്കുക!
തായ്‌പേയ്: ഇന്ത്യക്കാര്‍ പ്രത്യേകിച്ച് മലയാളികള്‍ ഏറ്റവും അധികം സന്ദര്‍ശിക്കുന്ന രാജ്യമാണ് തായ്ലന്ഡ്. എന്നാല്‍ ഇവിടം സന്ദര്‍ശിക്കുന്നവര്‍ രാജ്യത്തെ പുതിയ മദ്യപാന നിയമങ്ങളെക്കുറിച്ചും നിയമങ്ങള്‍ ലംഘിച്ചാല്‍ അവര്‍ക്ക് നേരിടേണ്ടിവരുന്ന കനത്ത പിഴകളെക്കുറിച്ചും അറിഞ്ഞില്ലെങ്കില്‍ കിട്ടാന്‍ പോകുന്നത് എട്ടിന്റെ പണിയായിരിക്കും. വിനോദസഞ്ചാരികള്‍ക്ക് ഇത് സംബന്ധിച്ച മുന്നറിയിപ്പ് നല്‍കിയിട്ടുണ്ട്. ഇനി തായ്ലന്ഡില് എത്തുന്ന സഞ്ചാരികള്‍ ഈ നിയമങ്ങള്‍ കൃത്യമായി തന്നെ മനസിലാക്കിയിരിക്കണം.
ബാങ്കോക്കിലെ സജീവമായ ബാറുകളും ദ്വീപുകളിലുടനീളമുള്ള രാത്രികാല പാര്‍ട്ടികളും ഉള്‍പ്പെടെ, തിരക്കേറിയ രാത്രി ജീവിതത്തിന് തായ്ലന്ഡ് പേരുകേട്ടതാണ്. എന്നാല്‍ ഇപ്പോള്‍ സന്ദര്‍ശകര്‍ എവിടെ, എപ്പോള്‍ മദ്യപിക്കുന്നുവെന്ന കാര്യം ശ്രദ്ധിക്കേണ്ടതുണ്ട്. ഈ വര്‍ഷം
നവംബര്‍ 8 മുതല്‍ പുതിയ നിയമങ്ങള്‍ പ്രാബല്യത്തില്‍ വരും.
ഉച്ചയ്ക്ക് 2 മണി മുതല്‍ വൈകുന്നേരം 5 മണി വരെയും, വീണ്ടും അര്‍ദ്ധരാത്രി മുതല്‍ രാവിലെ 11 മണി വരെയും മദ്യ വില്‍പ്പനയ്ക്കുള്ള നിരോധനം പ്രാബല്യത്തില്‍ തുടരുകയാണ്. ഈ സമയങ്ങളില്‍ കണ്‍വീനിയന്‍സ് സ്റ്റോറുകളില്‍ പോലും മദ്യം വാങ്ങുകയോ വിളമ്പുകയോ ചെയ്യുന്നത് പിഴയ്ക്ക് ഇടയാക്കും. പൊതുജനാരോഗ്യ മന്ത്രാലയം അംഗീകരിച്ച വസ്തുതാപരമോ വിദ്യാഭ്യാസപരമോ ആയ ആവശ്യങ്ങള്‍ക്കല്ലാതെ, ലഹരിപാനീയങ്ങളുടെ പരസ്യം ചെയ്യുന്നതോ പ്രോത്സാഹിപ്പിക്കുന്നതോ നിരോധിച്ചിരിക്കുന്നു.
അതിനാല്‍ ഏതെങ്കിലും ബ്രാന്‍ഡഡ് ഉള്ളടക്കം ഓണ്‍ലൈനില്‍ പോസ്റ്റ് ചെയ്യുന്നതില്‍ പ്രത്യേകം ശ്രദ്ധിക്കണം. രാജ്യത്തെ മദ്യനിയമങ്ങളില്‍ അടുത്തിടെ വരുത്തിയ മാറ്റങ്ങള്‍ അവധിക്കാലം ആഘോഷിക്കുന്നവര്‍ക്ക് സുരക്ഷിതവും സ്വാഗതാര്‍ഹവുമായ അന്തരീക്ഷം ഉറപ്പാക്കുക എന്നതാണ്. അനുവദനീയമായ സമയത്തിന് പുറത്ത് മദ്യം കഴിക്കുന്ന ഏതൊരാള്‍ക്കും 230 പൗണ്ട് വരെ പിഴ
ചുമത്താം. ്അതേ സമയം 'മിക്ക സന്ദര്‍ശകര്‍ക്കും, ഇത് അവരുടെ യാത്രയെ വലിയ തോതില്‍ ബാധിക്കില്ല.
കാരണം ബാറുകളും റെസ്റ്റോറന്റുകളും മദ്യത്തിന്റെ വില്‍പ്പന സമയം പരിമിതപ്പെടുത്തി ഈ നിയമങ്ങള്‍ പാലിക്കുന്നുണ്ട്.. അവയെല്ലാം പതിവുപോലെ പ്രവര്‍ത്തിക്കുന്നുണ്ട്. രാവിലെ 11 മുതല്‍ ഉച്ചയ്ക്ക് 2 വരെയും വൈകുന്നേരം 5 നും അര്‍ദ്ധരാത്രിക്കും ഇടയിലും സാധാരണ സമയങ്ങളില്‍ മദ്യവില്‍പ്പന അനുവദനീയമാണ്. ഒരു ബാറിന്റെയോ റസ്റ്റോറന്റിന്റെയോ പ്രവര്‍ത്തന സമയം സന്ദര്‍ശിക്കുന്നതിന് മുമ്പ് പരിശോധിക്കുന്നത് നല്ലതാണ്.
അനുവദനീയമായ സമയങ്ങളില്‍ സന്ദര്‍ശകര്‍ ലൈസന്‍സുള്ള സ്ഥലങ്ങളില്‍ തന്നെ തുടരണമെന്നും നിര്‍ദ്ദേശിക്കുന്നു. തായ്ലന്ഡില് മദ്യപിക്കാന്‍ പുറത്തുപോകണമെങ്കില്‍ മുന്‍കൂട്ടി ആസൂത്രണം ചെയ്യുന്നതും നല്ലതാണ്. തായ്ലന്ഡില് മദ്യപിക്കുന്നതിനുള്ള നിയമപരമായ പ്രായം 20 വയസ്സാണ്. വിനോദസഞ്ചാരികള്‍ തിരിച്ചറിയല്‍ രേഖ കൈവശം വയ്ക്കണമെന്നും മദ്യപിക്കുന്ന സമയം ശ്രദ്ധിക്കണമെന്നുമാണ് അധികൃതര്‍ ആവശ്യപ്പെട്ടിരിക്കുന്നത്.
