ട്രെയിൻ ബീഹാറിലെത്തിയതും..ആളുകളുടെ സ്വഭാവം തന്നെ മാറി; ഒരു പ്രായമായ സ്ത്രീ അടുത്തുവന്നിരുന്ന് കാണിച്ചത്..എന്റമ്മോ..വയ്യാ ഇനി..!!; 'എസി' കോച്ചിലേക്ക് ടിക്കറ്റ് ഇല്ലാത്തവർ വരെ ഇരച്ചു കയറി ദുരനുഭവം വിവരിച്ച് യുവതി; സൂക്ഷിക്കണേയെന്ന് കമെന്റുകൾ
പട്ന: ട്രെയിൻ യാത്രകളിൽ എ.സി. കോച്ചുകൾ നൽകുന്ന സുരക്ഷിതത്വത്തെയും സൗകര്യത്തെയും കുറിച്ചുള്ള പ്രതീക്ഷകൾക്ക് തിരിച്ചടിയേകുന്ന അനുഭവങ്ങൾ വർധിക്കുന്നു. ഈയിടെ പാട്ട്നയിൽ നിന്ന് മുത്തശ്ശന്റെ വീട്ടിലേക്ക് ഒറ്റയ്ക്ക് യാത്ര ചെയ്ത കണ്ടന്റ് ക്രിയേറ്ററായ ആയുഷി രഞ്ജൻ പങ്കുവെച്ച ദുരനുഭവമാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്. ടിക്കറ്റില്ലാത്തവർ എ.സി. കോച്ചുകളിലേക്ക് യാതൊരു മടിയുമില്ലാതെ ഇരച്ചുകയറുന്നതിലൂടെ സാധാരണ യാത്രക്കാർ അനുഭവിക്കുന്ന ബുദ്ധിമുട്ടുകളാണ് അവർ വീഡിയോയിലൂടെ പങ്കുവെച്ചത്.
പാട്ന സ്റ്റേഷനിൽ ട്രെയിൻ എത്തിയതോടെയാണ് ദുരിതങ്ങൾക്ക് തുടക്കമായതെന്ന് ആയുഷി പറയുന്നു. "ടിക്കറ്റില്ലാത്തവർ പോലും യാതൊരു തടസ്സവുമില്ലാതെ എ.സി. കംപാർട്ട്‌മെന്റുകളിലേക്ക് തിക്കിലും തിരക്കിലും കയറിച്ചെല്ലുന്നു. സാധാരണയായി എ.സി. കോച്ചുകൾ ഇത്തരം തിരക്കുകളിൽ നിന്ന് മുക്തമായിരിക്കും എന്നാണ് കരുതുന്നത്. എന്നാൽ, എന്റെ യാത്രാവേളയിൽ സ്ഥിതി മറിച്ചായിരുന്നു," അവർ വിശദീകരിച്ചു. ലോവർ ബർത്ത് ലഭിച്ചതിൽ സന്തോഷിച്ചിരുന്നെങ്കിലും കോച്ചിനുള്ളിലെ മോശം അന്തരീക്ഷം യാത്രയെ വല്ലാതെ ബാധിച്ചു.
ഒരു സ്ത്രീ ഒറ്റയ്ക്ക് യാത്ര ചെയ്യുമ്പോൾ നേരിടേണ്ടി വരുന്ന സുരക്ഷാ പ്രശ്നങ്ങളെക്കുറിച്ചും ആയുഷി വെളിപ്പെടുത്തി. "ഒറ്റയ്ക്ക് യാത്ര ചെയ്യുന്ന എനിക്ക് ട്രെയിനിൽ കയറാൻ എത്ര പ്രയാസമായിരുന്നോ, അത്രതന്നെ പ്രയാസമായിരുന്നു അതിനകത്ത് അതിജീവിക്കാനും. അകത്തെ കാര്യങ്ങൾ നിയന്ത്രിക്കേണ്ടി വന്നത് പലതവണയാണ്. എന്റെ സീറ്റിൽ വന്നിരുന്ന ഒരു പ്രായമായ സ്ത്രീയെ മാറാൻ ആവശ്യപ്പെട്ടെങ്കിലും അവർ തയ്യാറായില്ല. കൂടുതൽ തർക്കിക്കാൻ നിന്നില്ലെങ്കിലും അതൊരു അസ്വസ്ഥതയുണ്ടാക്കി," അവർ കൂട്ടിച്ചേർത്തു.
ഇതിനെല്ലാം പുറമെ, കോച്ചിന്റെ ശുചിത്വമില്ലായ്മയും രൂക്ഷമായ ദുർഗന്ധവും യാത്രക്കാരിയെ വല്ലാതെ അലട്ടി. "അകത്തെ ദുർഗന്ധം സഹിക്കാവുന്നതിലും അപ്പുറമായിരുന്നു. ഇത് ശരിക്കും എ.സി. കോച്ചാണോ എന്ന് ഒരു നിമിഷം സംശയിച്ചുപോയി. എന്റെ പണം പാഴായിപ്പോയെന്ന് തോന്നി," ആയുഷി നിരാശയോടെ പറഞ്ഞു. ബീഹാറിലെ യാത്രാനുഭവങ്ങളെക്കുറിച്ചുള്ള മോശം ധാരണകൾക്ക് കാരണം ഇത്തരം സംഭവങ്ങളാണെന്നും അവർ സൂചിപ്പിച്ചു.
ഇത്തരം സംഭവങ്ങൾ യാത്രാവേളകളിലെ സുരക്ഷയെയും സൗകര്യത്തെയും കുറിച്ചുള്ള ആശങ്കകൾ വർദ്ധിപ്പിക്കുന്നു. ടിക്കറ്റില്ലാത്തവർ യാതൊരു നിയന്ത്രണവുമില്ലാതെ പൊതുഗതാഗത സംവിധാനങ്ങളിൽ പ്രവേശിക്കുന്നത് യാത്രക്കാരുടെ അവകാശങ്ങളെയും സുരക്ഷയെയും ഹനിക്കുന്ന സാഹചര്യമാണ് സൃഷ്ടിക്കുന്നത്.
