അവരെ കാണുമ്പോൾ തന്നെ കുട്ടിക്കാലത്തെ ആ ട്രോമയാണ്..!! മണവാട്ടി വേഷത്തിൽ അണിഞ്ഞൊരുങ്ങി നിൽക്കുന്ന യുവതി; കല്യാണത്തിന് സ്വന്തം പെറ്റമ്മയെ വിളിക്കില്ലെന്ന് വാശി; പിന്നിലെ കാരണം അറിഞ്ഞപ്പോൾ വിരുന്നിന് എത്തിയ അതിഥികൾക്ക് വരെ ഞെട്ടൽ

ഡൽഹി: സ്വന്തം വിവാഹത്തിന് അമ്മയെ ക്ഷണിച്ചില്ലെന്ന് ഒരു യുവതി വെളിപ്പെടുത്തിയതിന് പിന്നാലെ സാമൂഹിക മാധ്യമങ്ങളിൽ വലിയ ചർച്ചകൾക്ക് വഴിതുറന്നു. വെറുപ്പുകൊണ്ടല്ല, മറിച്ച് തന്റെ മാനസിക സമാധാനത്തിന് വേണ്ടിയാണ് ഈ കടുത്ത തീരുമാനമെടുത്തതെന്ന് ഡിജിറ്റൽ ക്രിയേറ്ററായ അരിയാന ഗ്രിമാൽഡി വ്യക്തമാക്കിയത് പലരെയും അമ്പരപ്പിച്ചു. മാനസികാരോഗ്യം, കുട്ടിക്കാലത്തുണ്ടായ ആഘാതങ്ങൾ, വ്യക്തിബന്ധങ്ങളിൽ അതിർവരമ്പുകൾ സ്ഥാപിക്കേണ്ടതിന്റെ പ്രാധാന്യം എന്നിവയെക്കുറിച്ചുള്ള സംവാദങ്ങൾക്ക് ഈ വെളിപ്പെടുത്തൽ തുടക്കമിട്ടു.

തന്റെ വിവാഹ ചിത്രങ്ങൾ പങ്കുവെച്ചുകൊണ്ടാണ് അരിയാന ഈ നിർണായക തീരുമാനം സമൂഹ മാധ്യമങ്ങളിലൂടെ അറിയിച്ചത്. കുട്ടിക്കാലത്ത് അമ്മയിൽ നിന്ന് നേരിടേണ്ടി വന്ന മാനസികാഘാതങ്ങളാണ് ഈ തീരുമാനത്തിന് പിന്നിലെ പ്രധാന കാരണമെന്ന് അവർ വ്യക്തമാക്കി. ജീവിതത്തിലെ ഏറ്റവും പ്രധാനപ്പെട്ട ദിവസങ്ങളിൽ പോലും ഒഴിവാക്കപ്പെടേണ്ട ചിലരുണ്ടെന്നും, ഈ സാഹചര്യത്തിൽ താൻ സമാധാനം തിരഞ്ഞെടുക്കുകയായിരുന്നുവെന്നും അരിയാന കുറിച്ചു.

ഈ തീരുമാനം പെട്ടെന്നുണ്ടായ ഒന്നായിരുന്നില്ലെന്നും, അത് വളരെ ബുദ്ധിമുട്ടുള്ളതായിരുന്നുവെന്നും എന്നാൽ അതിൽ തനിക്ക് ദുഃഖമില്ലെന്നും അവർ കൂട്ടിച്ചേർത്തു. അമ്മ തന്റെ ജീവിതത്തിൽ വലിയ വേദനകൾ സമ്മാനിച്ചിട്ടുണ്ടെന്നും, ഈ തീരുമാനം നന്ദികേടോ ദേഷ്യമോ പ്രതികാരമോ അല്ല, സ്വയം സംരക്ഷിക്കുന്നതിന് വേണ്ടിയാണെന്നും അവർ ഊന്നിപ്പറഞ്ഞു.

ഈ വെളിപ്പെടുത്തലിന് പിന്നാലെ സാമൂഹിക മാധ്യമങ്ങളിൽ സമ്മിശ്ര പ്രതികരണമാണ് ഉയർന്നുവന്നത്. അമ്മയും മക്കളും തമ്മിലുള്ള ബന്ധത്തിന്റെ പ്രാധാന്യത്തെക്കുറിച്ചും മാതാപിതാക്കളെക്കുറിച്ചുമെല്ലാം നിരവധി പേർ അഭിപ്രായങ്ങളുമായി എത്തി. എന്നാൽ മാനസികാരോഗ്യത്തിന്റേയും സമാധാനത്തിന്റേയും പ്രാധാന്യം തിരിച്ചറിഞ്ഞ് അരിയാനയുടെ തീരുമാനത്തെ പിന്തുണച്ചവരും കുറവല്ല. കുട്ടിക്കാലത്തെ മുറിവുകൾ ഒരു വ്യക്തിയുടെ ജീവിതത്തെ എങ്ങനെ ബാധിക്കുമെന്നതിനെക്കുറിച്ചുള്ള ചർച്ചകൾക്ക് ഈ വെളിപ്പെടുത്തൽ പുതിയ മാനം നൽകി.

വർഷങ്ങളോളം അമ്മയുമായി നല്ല ബന്ധം സ്ഥാപിക്കാൻ പലതവണ ശ്രമിച്ചിട്ടുണ്ടെന്നും, 'അവർ നിങ്ങളുടെ അമ്മയല്ലേ' എന്നുള്ള ചോദ്യങ്ങൾ പലപ്പോഴും കേൾക്കേണ്ടി വന്നിട്ടുണ്ടെന്നും അരിയാന പറയുന്നു. എന്നാൽ തന്റെ മനസ്സിനും മാനസികാരോഗ്യത്തിനും ഏറ്റവും നല്ലത് സമാധാനമാണെന്ന് തിരിച്ചറിഞ്ഞപ്പോൾ, മറ്റുള്ളവരെ പ്രീതിപ്പെടുത്താൻ ശ്രമിക്കാതെ ആദ്യമായി കുറ്റബോധമില്ലാതെ താൻ സ്വയം തിരഞ്ഞെടുത്തതാണ് ഈ തീരുമാനമെന്നും അവർ കൂട്ടിച്ചേർത്തു. വ്യക്തിബന്ധങ്ങളിൽ മാനസികാരോഗ്യത്തിനും സ്വയം സംരക്ഷണത്തിനും നൽകേണ്ട പ്രാധാന്യം അടിവരയിടുന്നതാണ് അരിയാന ഗ്രിമാൽഡിയുടെ ഈ തുറന്നുപറച്ചിൽ.