ഇൻസ്റ്റാഗ്രാം വഴി പ്രായപൂർത്തിയാകാത്ത പെൺകുട്ടിയുമായി അടുത്തു; പ്രണയം നടിച്ചു വിവാഹ വാഗ്ദാനം നൽകി പീഡിപ്പിച്ചു; പോക്‌സോ കേസിൽ യുവാവ് അറസ്റ്റിൽ

പയ്യന്നൂർ: സമൂഹമാധ്യമത്തിലൂടെ പരിചയപ്പെട്ട പ്രായപൂർത്തിയാകാത്ത പെൺകുട്ടിയെ പീഡനത്തിനിരയാക്കിയ പോക്സോ ചുമത്തി അറസറ്റു ചെയ്തു. പെരിങ്ങോം മടക്കാംപൊയിലെ ജിഷ്ണു രാജി(21)നെയാണ് എസ്‌ഐ വി.യദുകൃഷ്ണൻ അറസ്റ്റ് ചെയ്തത്.

നവമാധ്യമമായ ഇൻസ്റ്റഗ്രാം വഴി പരിചയപ്പെട്ട പെൺകുട്ടിയെ പിന്നീട് വിവാഹ വാഗ്ദാനം നൽകി പലതവണ പീഡനത്തിനിരയാക്കിയതായി പെൺകുട്ടി ചൈൽഡ് ലൈനിൽ വിവരമറിയിച്ചതിനെ തുടർന്ന് ചൈൽഡ് ലൈൻ അധികൃതർ പൊലീസിൽ വിവരം കൈമാറുകയായിരുന്നു.

പെൺകുട്ടിയുടെ മൊഴി രേഖപ്പെടുത്തിയ പൊലീസ് പോക്സോ നിയമപ്രകാരം കേസെടുത്ത് പ്രതിയെ അറസ്റ്റ് ചെയ്യുകയായിരുന്നു. പയ്യന്നൂർ കോടതിയിൽ ഹാജരാക്കിയ പ്രതിയെ രണ്ടാഴ്ചത്തേക്ക് റിമാന്റ് ചെയ്തു.