തൃപ്പൂണിത്തുറയിൽ ചരിത്ര വിജയം; ഇഞ്ചോടിച്ച് പോരാട്ടത്തിൽ നഗരസഭ ഭരണം പിടിച്ചെടുത്ത് ബിജെപി; എൻഡിഎയുടെ വിജയം ഒരു സീറ്റിന്റെ ഭൂരിപക്ഷത്തിൽ

കൊച്ചി: തൃപ്പൂണിത്തുറ നഗരസഭയിൽ ബിജെപിയ്ക്ക് ചരിത്ര വിജയം. ആദ്യമായാണ് തൃപ്പൂണിത്തുറ നഗരസഭയിൽ ബിജെപി ഭരണം നേടുന്നത്. പാലക്കാട് നഗരസഭയ്‌ക്ക് പിന്നാലെയാണ് തൃപ്പൂണിത്തുറ നഗരസഭയിലും എൻഡിഎ അധികാരം നേടുന്നത്. ഒരു സീറ്റിന്റെ ഭൂരിപക്ഷത്തിലാണ് എൻഡിഎയുടെ വിജയം. 21 സീറ്റുകളാണ് എൻഡിഎ നേടിയപ്പോൾ 20 സീറ്റുകൾ എൽഡിഎഫ് കരസ്ഥമാക്കി. യുഡിഎഫ് ആകട്ടെ 16 സീറ്റുകളിൽ ഒതുങ്ങി.

കാലങ്ങളായി എൽഡിഎഫും യുഡിഎഫും മാറിമാറി ഭരിച്ചുവന്നിരുന്ന തൃപ്പൂണിത്തുറ നഗരസഭയിൽ ഇത്തവണ എൽഡിഎഫും എൻഡിഎയും തമ്മിൽ ഇഞ്ചോടിഞ്ച് പോരാട്ടമാണ് നടന്നത്. 'എ ക്ലാസ്' നഗരസഭയായി കണക്കാക്കി ബിജെപി വലിയ പ്രചാരണമാണ് ഇവിടെ നടത്തിയത്. പാലക്കാട് നഗരസഭയിലും ബിജെപി ഭരണം നിലനിർത്തിയിരുന്നു. പാലക്കാട് നഗരസഭയിൽ 25 സീറ്റുമായി ബിജെപി ഏറ്റവും വലിയ ഒറ്റകക്ഷിയായി മാറി.