'കയ്യും കാലും കൊത്തിയരിഞ്ഞ് പാണക്കാട്ടെ തറവാട്ടേക്ക് പാഴ്സലയക്കും ഓര്ത്തോളൂ...'; കോഴിക്കോട് വടകരയില് മുസ്ലിം ലീഗ് പ്രവര്ത്തകര്ക്കെതിരെ എസ്ഡിപിഐയുടെ കൊലവിളി മുദ്രാവാക്യം; പ്രതിഷേധം ലീഗിന്റെ വിജയാഹ്ലാദ പ്രകടനത്തിനിടെ എസ്ഡിപിഐ പതാകകള് നശിപ്പിച്ചെന്ന് ആരോപിച്ച്
'കയ്യും കാലും കൊത്തിയരിഞ്ഞ് പാണക്കാട്ടെ തറവാട്ടേക്ക് പാഴ്സലയക്കും ഓര്ത്തോളൂ...';
കോഴിക്കോട്: വടകരയില് കൊലവിളി മുദ്രാവാക്യവുമായി എസ്ഡിപിഐ പ്രവര്ത്തകര്. എസ്ഡിപിഐയുടെ പതാകകള് മുസ്ലീം ലീഗ് നശിപ്പിച്ചെന്ന് ആരോപിച്ചാണ് കൊലവിളി മുദ്രാവാക്യം. കയ്യും കാലും വെട്ടുമെന്നും കൊല്ലുമെന്നും എസ്ഡിപിഐ ഭീഷണിപ്പെടുത്തി. 'കയ്യും കാലും കൊത്തിയരിഞ്ഞ് പാണക്കാട്ടെ തറവാട്ടേക്ക് പാഴ്സലയക്കും ഓര്ത്തോളൂ...' എന്ന മുദ്രാവാക്യം വിളികളോടെയാിയരുന്നു പ്രതിഷേധം.
കഴിഞ്ഞ ദിവസം മുസ്ലിം ലീഗിന്റെ വിജയാഹ്ലാദ പ്രകടനത്തിനിടെ എസ്ഡിപിഐ പതാകകള് നശിപ്പിച്ചെന്ന് ആരോപിച്ച് സംഘടിച്ചെത്തിയവരാണ് ലീഗ് പ്രവര്ത്തകര്ക്കെതിരെ കൊലവിളി മുദ്രാവാക്യം ഉയര്ത്തിയത്. പതാകയില് തൊട്ടാല് കൈയ്യും കാലും വെട്ടുമെന്നും, കൊല്ലുമെന്നുമായിരുന്നു ഭീഷണി. സംഭവത്തില് ലീഗ് നേതൃത്വം വടകര പൊലീസില് പരാതി നല്കിയിട്ടുണ്ട്.
അതേസമയം തിരുവനന്തപുരം കണിയാപുരത്ത് മുസ്ലീം ലീഗ് സ്ഥാനാര്ഥിയുടെ വിജയം എസ്ഡിപിഐ ആഘോഷിച്ചു. കണിയാപുരം ജില്ലാ ഡിവിഷനിലെ മാഹാണി ജസീമിന്റെ വിജയമാണ് എസ്ഡിപിഐ കേക്ക് മുറിച്ച് ആഘോഷിച്ചത്. കഠിനംകുളം പഞ്ചായത്ത് 5ാം വാര്ഡില് ജയിച്ച എസ്ഡിപിഐ സ്ഥാനാര്ഥി റിയാസ് ഉബൈദിന്റെ നേതൃത്വത്തിലായിരുന്നു ആഘോഷം.
ഈ വാര്ഡില് ലീഗ് മൂന്നാം സ്ഥാനത്തേക്ക് പിന്തള്ളപ്പെടുകയും, ജില്ലാ ഡിവിഷനില് മാഹാണി ജസീമിന് ആയിരത്തോളം വോട്ട് ലഭിക്കുകയും ചെയ്തിരുന്നു. എസ്ഡിപിഐയുമായി ജസീം ധാരണയുണ്ടാക്കിയെന്നാണ് ആരോപണം. മുസ്ലീംലീഗ് ചിറയിന്കീഴ് മണ്ഡലം കമ്മിറ്റി സംസ്ഥാന നേതൃത്വത്തിന് പരാതി നല്കി.
