'ചൂടിന് കുറവില്ല...'; ഖത്തറിൽ വീണ്ടും ചൂട് ശക്തമാകുന്നു; താപനില 40 ഡിഗ്രി സെൽഷ്യസ് കടക്കുമെന്ന് മുന്നറിയിപ്പ്; പുറത്തിറങ്ങുമ്പോൾ സൂക്ഷിക്കണം

ദോഹ: ഖത്തറിൽ താപനില വീണ്ടും ഉയരുമെന്ന് കാലാവസ്ഥാ വകുപ്പ് വ്യക്തമാക്കി. ഉയർന്ന താപനില ഈ വാരാന്ത്യം വരെ തുടരും. കിഴക്കൻ തീരപ്രദേശങ്ങളിലെ പരമാവധി താപനില 40 ഡിഗ്രി സെൽഷ്യസ് കടക്കുമെന്നും അധികൃതർ വ്യക്തമാക്കി. നിലവില്‍ രാജ്യത്തെ ചിലയിടങ്ങളില്‍ കനത്ത ചൂട് അനുഭവപ്പെടുന്നുണ്ട്.

താപനില 26 ഡിഗ്രി സെൽഷ്യസിനും 45 ഡിഗ്രി സെൽഷ്യസിനും ഇടയിലാണ്. മിതമായ വടക്കുപടിഞ്ഞാറൻ-വടക്ക് കിഴക്കൻ കാറ്റും അനുഭവപ്പെടുന്നുണ്ട്. ഗൾഫ് രാജ്യങ്ങളിൽ നിലവിൽ 40 ഡിഗ്രി സെൽഷ്യസിൽ കൂടുതലാണ് പകൽ താപനില.