ധനസഹായം വാഗ്ദാനം ചെയ്തു വിളിച്ചു വരുത്തി പീഡനം; വീട്ടമ്മയുടെ പരാതിയിൽ ഒരാൾ അറസ്റ്റിൽ

പെരുമ്പാവൂർ: സഹായം വാഗ്ദാനം ചെയ്ത് വീട്ടമ്മയെ പീഡിപ്പിച്ചയാൾ പിടിയിൽ. നെല്ലാട് കണ്ടോത്തുകുടി പുത്തൻ വീട്ടിൽ ഷാജി (ഷിജിൽ 49) യാണ് കുന്നത്തുനാട് പൊലീസിന്റെ പിടിയിലായത്. വീടുപണിക്കായി വീട്ടമ്മ ലോൺ എടുത്തിരുന്നു. തിരിച്ചടവ് മുടങ്ങിയതിനെ തുടർന്ന് ബാങ്കിൽ നിന്നും ജപ്തി നോട്ടീസ് വന്നപ്പോൾ കുടിശിക തീർക്കാനും ആധാരം തിരിച്ചെടുക്കാനും സഹായിക്കാമെന്ന് പറഞ്ഞ് വിളിച്ചുവരുത്തി പീഡിപ്പിക്കുകയായിരുന്നു.

വീട്ടമ്മയുടെ പരാതിയെ തുടർന്ന് ഇയാൾ ഒളിവിൽ പോയി. തുടർന്ന് പ്രത്യേക സംഘം രൂപീകരിച്ച് നടന്ന അന്വേഷണത്തിൽ മൂവാറ്റുപുഴയിൽ നിന്നുമാണ് പ്രതിയെ പിടികൂടിയത്. പെരുമ്പാവൂർ എ.എസ്‌പി അനൂജ് പലിവാൾ , കുന്നത്തുനാട് സിഐ വി.ടി ഷാജൻ, എഎസ്ഐ കെ.എ നൗഷാദ്, സീനിയർ സിവിൽ പൊലീസ് ഓഫീസർമാരായ പി.എ അബ്ദുൾ മനാഫ്, ടി.എ അഫ്‌സൽ എന്നിവരാണ് അന്വേഷണ സംഘത്തിലുണ്ടായിരുന്നത്.