ഷാർജയിലെ പ്രധാന റോഡുകൾ രണ്ടാഴ്ചത്തേക്ക് ഭാഗികമായി അടച്ചിടും; നടപടി അറ്റകുറ്റപ്പണികളുടെയും വിപുലീകരണത്തിന്റെയും ഭാഗമായി

ഷാർജ: ഷാർജയിലെ അൽ ഖസ്ബ ബ്രിഡ്ജ് റോഡും അൽഖാൻ കോർണിഷ് റോഡും ഞായറാഴ്ച മുതൽ രണ്ടാഴ്ചത്തേക്ക് ഭാഗികമായി അടച്ചിടുമെന്ന് അധികൃതർ അറിയിച്ചു. റോഡുകൾ വികസിപ്പിക്കാനും നവീകരിക്കാനുമുള്ള എസ്ആർടിഎയുടെ പദ്ധതിയുടെ ഭാഗമായാണ് റോഡുകൾ അടച്ചിടുന്നത്.

രണ്ട് ഘട്ടങ്ങളിലായാണ് ഈ റോഡുകളുടെ അറ്റകുറ്റപ്പണികളും വിപുലീകരണ പ്രവർത്തനങ്ങളും നടത്തുക. ഷാർജ ഡൗൺടൗൺ, റോള, അജ്മാൻ എന്നിവിടങ്ങളിലാണ് ആദ്യ ഘട്ടം. ഞായറാഴ്ച ആരംഭിക്കുന്ന നവീകരണ പ്രവർത്തനങ്ങൾ അർധരാത്രി മുതൽ പുലർച്ചെ അഞ്ച് വരെ നീളും. നവംബർ 28നാണ് ഈ ഘട്ടം അവസാനിക്കുക. എതിർദിശ ഗതാഗതത്തിന് തുറന്നുനൽകും. രണ്ടാംഘട്ട പ്രവർത്തനങ്ങൾ ദുബൈ ദിശയിലേക്കാണ്. നവംബർ 29 തിങ്കളാഴ്ച അർധരാത്രി മുതൽ പുലർച്ചെ അഞ്ച് മണി വരെ നീളുന്ന ജോലികൾ ഡിസംബർ 13ന് അവസാനിക്കും. ഷാർജയിലേക്കുള്ള ദിശ ഗതഗാതത്തിനായി തുറന്നു കൊടുക്കും.