സെൽഫി എടുക്കുന്നതിനിടെ കൊക്കയിലേക്ക് വീണ് യുവതി മരിച്ചു; സംഭവം ഇൻഡോറിൽ

ഇൻഡോർ: സെൽഫി എടുക്കുന്നതിനിടെ കാൽ വഴുതി കൊക്കയിലേക്ക് വീണ് യുവതി മരിച്ചു. മധ്യപ്രദേശിലെ ഇൻഡോറിലെ വിനോദ സഞ്ചാരമേഖയിൽ വച്ച് വ്യാഴാഴ്ചയായിരുന്നു അപകടം.

നീതു മഹേശ്വരിയെന്ന 30കാരിയാണ് മരിച്ചത്. ഇൻഡോറിൽ നിന്ന് 55 കിലോമീറ്റർ അകലെയുള്ള ജം ഗേറ്റിലേക്ക് കുടുംബത്തോടൊപ്പം പോയതായിരുന്നു ഇവർ. സെൽഫി എടുക്കാൻ ശ്രമിക്കുന്നതിനിടെ കാൽതെറ്റി കൊക്കയിലേക്ക് വീഴുകയായിരുന്നുവെന്ന് ബന്ധുക്കൾ പറഞ്ഞു.