ന്യൂഡൽഹി: ബിജെപി ലൈറ്റ് ആകാൻ കോൺഗ്രസ് പാർട്ടിക്ക് ഒരിക്കലും കഴിയില്ലെന്ന് മുതിർന്ന കോൺഗ്രസ് നേതാവ് ശശി തരൂർ. അത്തരത്തിലൊരു ശ്രമം കോൺഗ്രസിനെ പൂർണമായും ഇല്ലാതാക്കുന്നതിൽ മാത്രമേ എത്തിക്കൂവെന്നും അദ്ദേഹം പറഞ്ഞു.

ഒരുതരത്തിലും ബിജെപിയെ പോലെയല്ല കോൺഗ്രസെന്നും തങ്ങൾ അല്ലാത്ത ഒന്നിന്റെ ലെറ്റ് വേർഷൻ ആകാൻ കോൺഗ്രസ് ശ്രമിക്കില്ലെന്നും അദ്ദേഹം പറഞ്ഞു. പി.ടി.ഐക്ക് നൽകിയ അഭിമുഖത്തിലായിരുന്നു തരൂരിന്റെ പരാമർശം.

ഇന്ത്യ സഹിഷ്ണുതയും ബഹുസ്വരതയും ഉൾക്കൊള്ളുന്നു രാജ്യമാണെന്നും മതേതര്വത്തെ എന്നെന്നേക്കുമായി മറികടക്കാൻ വിദ്വേഷ ശക്തികൾക്ക് കഴിയുമെന്ന് താൻ വിശ്വസിക്കുന്നില്ലെന്നും തരൂർ പറഞ്ഞു. തങ്ങളോട് വിയോജിക്കുന്നവരെ അടിച്ചമർത്താൻ ബിജെപി നിരന്തരം ശ്രമിക്കുകയാണെന്നും തരൂർ പറഞ്ഞു.



കോൺഗ്രസ്ബിജെപിശശി തരൂർ