ഏഷ്യാ കപ്പ്: ഗ്രൂപ്പ് ബിയിൽ ഇന്ന് നിർണായക പോരാട്ടം; ആദ്യ മത്സരത്തിൽ ഹോങ്കോങ്ങിനെ ചുരുട്ടികെട്ടിയ ആത്മവിശ്വാസത്തിൽ ബംഗ്ലാദേശ്; എതിരാളികൾ ശ്രീലങ്ക

അബുദാബി: ഏഷ്യാ കപ്പ് ക്രിക്കറ്റിൽ ഗ്രൂപ്പ് ബിയിലെ നിർണായക മത്സരത്തിൽ ഇന്ന് ശ്രീലങ്കയും ബംഗ്ലാദേശും ഏറ്റുമുട്ടും. അബുദാബിയിൽ രാത്രി 8 മണിക്കാണ് മത്സരം ആരംഭിക്കുന്നത്. ഹോങ്കോങ്ങിനെതിരെ അനായാസ വിജയത്തോടെ ഏഷ്യാ കപ്പ് ടൂർണമെന്റ് ആരംഭിച്ച ബംഗ്ലാദേശിന് ഇത് രണ്ടാം മത്സരമാണ്. അതേസമയം, ടൂർണമെന്റിൽ ശ്രീലങ്കയുടെ ആദ്യ മത്സരമാണിത്.

ആറു തവണ ഏഷ്യാ കപ്പ് ജേതാക്കളായ ശ്രീലങ്കയും, കണ്ണിന് കിരീടം ലക്ഷ്യമിട്ടിറങ്ങുന്ന ബംഗ്ലാദേശും ഉൾപ്പെടുന്ന ഗ്രൂപ്പിൽ നിന്ന് രണ്ട് ടീമുകൾ മാത്രമാണ് സൂപ്പർ ഫോറിലേക്ക് യോഗ്യത നേടുക. അതിനാൽ, ഈ മത്സരം ഇരു ടീമുകൾക്കും അതീവ നിർണായകമാണ്.

വിജയത്തോടൊപ്പം റൺറേറ്റിൽ മുന്നിലെത്തുക എന്നതും ഇരുവർക്കും പ്രധാനമാണ്. ഹോങ്കോങ്ങിനെതിരായ മികച്ച പ്രകടനം ബംഗ്ലാദേശിന് ആത്മവിശ്വാസം നൽകുന്നുണ്ട്. ചരിത് അസലങ്ക നയിക്കുന്ന ശ്രീലങ്കൻ ടീം യുഎഇയിലെ സാഹചര്യങ്ങളുമായി പൊരുത്തപ്പെടാൻ കഴിവുള്ളവരാണ്.