ദേശീയ ഗെയിംസില്‍ വുഷുവില്‍ മുഹമ്മദ് ജസീലിന് സ്വര്‍ണം; ഗെയിംസില്‍ കേരളത്തിന്റെ മൂന്നാം സ്വര്‍ണം; വുഷുവിലെ ആദ്യ സ്വര്‍ണം

ഹല്‍ദ്വാനി: ദേശീയ ഗെയിംസില്‍ കേരളത്തിന് മൂന്നാം സ്വര്‍ണം. കെ. മുഹമ്മദ് ജാസിലാണ് സ്വര്‍ണം കരസ്ഥമാക്കിയത്. വുഷുവിലാണ് സ്വര്‍ണം. തൗലു നാന്‍ഗുണ്‍ വിഭാഗത്തില്‍ കേരളത്തിനായി സ്വര്‍ണം നേടിയത്. ദേശീയ ഗെയിംസില്‍ വുഷുവില്‍ ആദ്യമായാണ് കേരളം സ്വര്‍ണം നേടുന്നത്. കഴിഞ്ഞ ദേശീയ ഗെയിംസില്‍ കേരളത്തിന് വുഷുവില്‍ രണ്ട് വെങ്കലമുണ്ടായിരുന്നു.

ഇതോടെ മൂന്നു സ്വര്‍ണവും ഒരു വെള്ളിയും മൂന്ന് വെങ്കലവുമായി ഈ ദേശീയ ഗെയിംസിലെ കേരളത്തിന്റെ ആകെ മെഡല്‍ നേട്ടം ഏഴായി. മൂന്ന് സ്വര്‍ണം, ഒരു വെള്ളി, മൂന്ന് വെങ്കലം എന്നിങ്ങനെയാണ് കേരളത്തിന്റെ മെഡല്‍ നേട്ടം. അതേസമയം നീന്തലില്‍ സാജന്‍ പ്രകാശ് വീണ്ടും ഫൈനലില്‍ കടന്നു. 200 മീറ്റര്‍ ബട്ടര്‍ഫൈ്‌ള സ്‌ട്രോക്കിലാണ് സജന്‍ ഫൈനലില്‍ കടന്നത്. വനിതാ വിഭാഗം 50 മീറ്റര്‍ ബ്രസ്റ്റ് സ്‌ട്രോക്കില്‍ ഹര്‍ഷിത ജയറാമും ഫൈനലില്‍ പ്രവേശിച്ചു. രണ്ട് ഫൈനലും ഇന്ന് നടക്കും.