പാരീസ്: പാരീസ് ഒളിമ്പിക്സില്‍ വനിതകളുടെ 76 കിലോഗ്രാം ഫ്രീസ്‌റ്റൈല്‍ ഗുസ്തിയില്‍ ഇന്ത്യന്‍ താരം റീതിക ഹൂഡ ക്വാര്‍ട്ടറില്‍. ഹംഗറിയുടെ ബെര്‍ണാഡെറ്റ് നാഗിയെ 12-2ന് കീഴടക്കിയാണ് ഇന്ത്യന്‍ താരം ക്വാര്‍ട്ടറില്‍ കടന്നത്. കിര്‍ഗിസ്താന്റെ അയ്പെറി മെഡെറ്റ് കൈസിയാണ് ക്വാര്‍ട്ടറില്‍ റീതികയുടെ എതിരാളി.

പാരിസ് ഒളിംപിക്‌സില്‍ ഇന്ത്യന്‍ താരം മത്സരിക്കുന്ന അവസാന ഇനമാണ് വനിതാ ഫ്രീസ്‌റ്റൈല്‍ 76 കിലോഗ്രാം ഗുസ്തി. ആവേശകരമായ പ്രീക്വാര്‍ട്ടര്‍ പോരാട്ടത്തില്‍ ഹംഗറിയുടെ എട്ടാം സീഡും രണ്ടു തവണ യൂറോപ്യന്‍ ചാംപ്യനുമായ ബെര്‍ഡെത്തിനെ അനായാസം കീഴടക്കുകയായിരുന്നു. ഇന്നു നടക്കുന്ന ക്വാര്‍ട്ടറില്‍ കിര്‍ഗിസ്ഥാന്‍ താരം അയ്‌പേറി മെഡെറ്റ് കിസിയാണ് റീതികയുടെ എതിരാളി.

ഗോള്‍ഫ് വനിതാ വ്യക്തിഗത വിഭാഗത്തില്‍ അദിതി അശോക്, ദിക്ഷ ദാഗര്‍ എന്നിവരും ഇന്നു മത്സരിക്കുന്നുണ്ട്. ഇതിനു പുറമേ അത്‌ലറ്റിക്‌സില്‍ ഇന്ന് പുരുഷ 4*400 മീറ്റര്‍ റിലേ ഫൈനല്‍ ഇന്നു രാത്രി 12.30നും വനിതകളുടെ ഫൈനല്‍ 12.45നും നടക്കും. പുരുഷ 800 മീറ്റര്‍ ഫൈനല്‍, വനിതാ ജാവലിന്‍ ത്രോ ഫൈനല്‍, പുരുഷ ഹൈ ജംപ് ഫൈനല്‍, പുരുഷ മാരത്തണ്‍ ഫൈനല്‍ തുടങ്ങിയവയും ഇന്നാണ്. വനിതാ ഫുട്‌ബോള്‍ ഫൈനലില്‍ ഇന്ന് രാത്രി 8.30ന് ബ്രസീലും യുഎസ്എയും ഏറ്റുമുട്ടും.

മറുനാടൻ മലയാളി ബ്യൂറോ