മട്ടന്നൂരിൽ മത്സ്യവിൽപന വാഹനം അഗ്‌നിക്കിരയാക്കിയ സംഭവം; ഒരാളെ പൊലീസ് അറസ്റ്റിൽ; അക്രമം വ്യക്തിവൈരാഗ്യത്തെത്തുടർന്നെന്ന് പൊലീസ്

മട്ടന്നൂർ : മത്സ്യ വിൽപന വാഹനം അഗ്നിക്കിരയാക്കിയ സംഭവത്തിൽ പൊലിസ് ഒരാളെ അറസ്റ്റു ചെയ്തു.മാലൂർ പനമ്പറ്റയിൽ നിർത്തിയിട്ട വാഹനം തീവച്ച് നശിപ്പിച്ച സംഭവത്തിലാണ് ഒരാളെ മാലൂർ പൊലീസ് അറസ്റ്റു ചെയ്തത്.

മാലൂർ പനമ്പറ്റ യു.പി.സ്‌കൂളിന് സമീപത്ത് നിർത്തിയിട്ട കാവിൻ മൂല സ്വദേശി ഉമേഷിന്റെ ഉടമസ്ഥതയിലുള്ള മത്സ്യ വിൽപ്പന നടത്തുന്ന എയ്‌സ് വാഹനമാണ് വെള്ളിയാഴ്‌ച്ച രാത്രി പൂർണ്ണമായും അഗ്‌നിക്കിരയായത് മട്ടന്നൂരിൽ നിന്നും ഫയർഫോഴ്‌സ് സ്ഥലത്തെത്തിയെങ്കിലും വാഹനം പൂർണ്ണമായും കത്തിനശിച്ചിരുന്നു. മത്സ്യ വ്യാപാരിയായ ഉമേഷ് വാഹനം റോഡരികിൽ നിർത്തിയിട്ടതായിരുന്നു .

വ്യക്തി വൈരാഗ്യമാണ് സംഭവത്തിന് പിന്നിലെന്നാണ് സൂചന . വാഹനം കത്തിച്ച സംഭവത്തിൽ പനമ്പറ്റ സ്വദേശി മർവ മഹലിൽ മജ്മലിനെ മാലൂർ പൊലീസ് കസ്റ്റഡിയിലെടുത്തു ഇയാളെ കൂടുതൽ ചെയ്തതിനു ശേഷം കോടതിയിൽ ഹാജരാക്കും.