വിവാഹിതയായ യുവതിയോട് 27കാരന് പ്രണയം; തന്നെ ശല്യം ചെയ്യരുതെന്ന് താക്കീത് നൽകിയ 29കാരിയെ കുത്തിപ്പരിക്കേൽപ്പിച്ച് യുവാവ്

ക​ട്ട​പ്പ​ന: വിവാഹിതയായ​ യുവതിയെ യുവാവ് കുത്തിപ്പരിക്കേൽപ്പിച്ചത് പ്ര​ണ​യാ​ഭ്യ​ർ​ഥ​ന നി​ര​സി​ച്ചതിന്റെ പേരിൽ. ഞായറാഴ്‌ച്ച വൈകിട്ടാണ് ബ്യൂട്ടിപാർലർ നടത്തിപ്പുകാരിയായ യുവതിയെ ച​ക്കു​പ​ള്ളം സ്വ​ദേ​ശി അ​രു​ൺ​കു​മാ​ർ ആക്രമിച്ചത്. കുത്തേറ്റ യുവതിയുടെ വലത് കണ്ണിനേറ്റ പരിക്ക് ഗുരുതരമാണ്. ഇതേ തുടർന്ന് യുവതിയെ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലേ​ക്ക് മാ​റ്റി.

ക​ട്ട​പ്പ​ന പു​തി​യ ബ​സ് സ്​​റ്റാ​ൻ​ഡി​ൽ ബ്യൂ​ട്ടി​പാ​ർ​ല​ർ ന​ട​ത്തു​ന്ന വി​വാ​ഹി​ത​യാ​യ 29 കാ​രി​ക്കാ​ണ് ഞാ​യ​റാ​ഴ്ച വൈ​കീ​ട്ട് കു​ത്തേ​റ്റ​ത്. ഞാ​യ​റാ​ഴ്ച വൈ​കീ​ട്ട്​​ ക​ട്ട​പ്പ​ന​യി​ലെ ബ്യൂ​ട്ടി പാ​ർ​ല​റി​ൽ എ​ത്തി​യ 27കാരനായ യു​വാ​വ് യു​വ​തി​യോ​ട് പ്ര​ണ​യാ​ഭ്യ​ർ​ഥ​ന ന​ട​ത്തി. ത​ന്നെ ശ​ല്യം ചെ​യ്യ​രു​തെ​ന്നും പൊ​ലീ​സി​ന്റെ സ​ഹാ​യം തേ​ടു​മെ​ന്നും യു​വ​തി പ​റ​ഞ്ഞു. പ്ര​കോ​പി​ത​നാ​യ യു​വാ​വ് കൈ​യി​ൽ ക​രു​തി​യി​രു​ന്ന ക​ത്തി​യെ​ടു​ത്ത് മു​ഖ​ത്ത് കു​ത്തു​ക​യാ​യി​രു​ന്നു. ക​ണ്ണി​നും പു​രി​ക​ത്തി​നും ഉ​ൾ​പ്പെ​ടെ നാ​ല് കു​ത്തു​ക​ളാണേറ്റത്.സംഭവത്തെ തുടർന്ന് പൊലീസ് അറസ്റ്റ് ചെയ്ത അ​രു​ൺ​കു​മാ​റി​നെ ക​ട്ട​പ്പ​ന കോ​ട​തി റി​മാ​ൻ​ഡ് ചെ​യ്തു.