മദ്യപിച്ച് ലക്കുകെട്ട് റോഡരികിൽ വീണു കിടന്നു; കാർ തലയിലൂടെ കയറിയിറങ്ങി മധ്യവയസ്‌കൻ മരിച്ചു: സംഭവം പന്തളത്ത്

പന്തളം: മദ്യപിച്ച് ലക്കുകെട്ട് റോഡരികിൽ വീണു കിടന്ന മധ്യവയസ്‌കൻ കാർ തലയിലൂടെ കയറിയിറങ്ങി മരിച്ചു. പൂഴിക്കാട് വലക്കടവ് പുതുപറമ്പിൽ കുഞ്ഞുപിള്ള (56) യാണ് മരിച്ചത്. വലക്കടവ് ബണ്ടിന് സമീപം ബുധനാഴ്ച രാവിലെ 11.30 യോടെയായിരുന്നു അപകടം.

മദ്യപിച്ച് റോഡിൽ കിടക്കുകയായിരുന്ന കുഞ്ഞുപിള്ളയുടെ തലയിലൂടെ കാർ കയറി ഇറങ്ങുകയായിരുന്നു. അപകടമുണ്ടാക്കിയ മാരുതി കാർ പൊലീസ് കസ്റ്റഡിയിൽ എടുത്തിട്ടുണ്ട്. പന്തളം പൊലീസ് ഇൻക്വസ്റ്റ് തയാറാക്കി മൃതദേഹം അടൂർ ഗവൺമെന്റ് ആശുപത്രിയിലേക്ക് മാറ്റി: ഭാര്യ: പരേതയായ ചെല്ലമ്മ. മകൻ: രാജേഷ്, മരുമകൾ: രമ്യ.