ക്വാളിഫൈഡ് പ്രൈവറ്റ് മെഡിക്കല്‍ പ്രാക്ടീഷണേഴ്‌സ് അസോസിയേഷന് പുതിയ ഭാരവാഹികള്‍
കൊച്ചി: കേരളത്തിലെ സ്വകാര്യ ആരോഗ്യ മേഖലയിലെ ആയിരത്തിലധികം സ്ഥാപനങ്ങളെ പ്രതിനിധീകരിക്കുന്ന ക്വാളിഫൈഡ് പ്രൈവറ്റ് മെഡിക്കല്‍ പ്രാക്ടീഷണേഴ്‌സ് അസോസിയേഷന്റെ സംസ്ഥാന അദ്ധ്യക്ഷനായി ഡോ. ദേവിന്‍ പ്രഭാകര്‍ (തിരുവനന്തപുരം) നെയും സെക്രട്ടറിയായി ഡോ. വി.എം. മുഹമ്മദ് ഹാഷിം (കോഴിക്കോട്)നെയും ട്രഷററായി ഡോ. അനീസ് അലി (കോഴിക്കോട്) നെയും തെരഞ്ഞെടുത്തു.
കൊച്ചിയിലെ മറൈന്‍ ഇന്‍ ഹോട്ടലില്‍ നടന്ന QPMPA യുടെ 51-ാം വാര്‍ഷിക സമ്മേളനത്തിലാണ് പുതിയ ഭാരവാഹികളെ തെരഞ്ഞെടുത്തത്.ഉപാദ്ധ്യക്ഷന്‍മാരായി ഡോ. മോഹന്‍ സുന്ദരം (കോഴിക്കോട്), ഡോ. മോഹന്‍ മാധവമംഗലം (കോഴിക്കോട്), ഡോ. അഭിലാഷ് ബല്‍സലം (തിരുവനന്തപുരം) എന്നിവരെയും ജോയിന്റ് സെക്രട്ടറിമാരായി ഡോ. മുരളി (കോഴിക്കോട്), ഡോ. ചാര്‍ലി ചെറിയാന്‍ (ചെങ്ങന്നൂര്‍) എന്നിവരെയും തെരഞ്ഞെടുത്തു.
സ്വകാര്യാരോഗ്യ മേഖല നേരിടുന്ന വെല്ലുവിളികള്‍, രോഗി സേവനത്തിന്റെ ഗുണമേന്മയും നൈതിക മൂല്യങ്ങള്‍ പാലിച്ചുള്ള മെഡിക്കല്‍ പ്രാക്ടീസിന്റെ ആവശ്യകതയും സംബന്ധിച്ച് സമ്മേളനത്തില്‍ വിപുലമായ ചര്‍ച്ച നടന്നു. സംസ്ഥാനതലത്തില്‍ ആരോഗ്യ സേവന മേഖലയില്‍ സംയുക്തമായ പ്രവര്‍ത്തനങ്ങള്‍ ശക്തിപ്പെടുത്തേണ്ടതിന്റെ ആവശ്യകതയും സമ്മേളനം ഉന്നയിച്ചു.