നസ്‍ലെന്‍റെ 'പ്രേമബിൾ വുമൺ'; ശ്രദ്ധനേടി 'ആലപ്പുഴ ജിംഖാന'യിലെ ആദ്യ ഗാനം; ട്രെൻഡിംഗായി 'എവരിഡേ..'
കൊച്ചി: മലയാളത്തിലെ യുവതാരങ്ങളിൽ ശ്രദ്ധേയനായ നടനാണ് നസ്ലെൻ. വളരെ ചെറിയ കാലയളവിലാണ് നസ്ലെൻ പ്രേക്ഷകരുടെ മനസ്സിൽ ഇടം പിടിച്ചത്. പ്രഖ്യാപനം എത്തിയത് മുതൽ വലിയ ആകാംഷയോടെ സിനിമ ആസ്വാദകർ കാത്തിരിക്കുന്ന ചിത്രമാണ് 'ആലപ്പുഴ ജിംഖാന'. ബ്ലോക്ബസ്റ്റർ ചിത്രം 'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിൽ നസ്ലെൻ, ഗണപതി, ലുക്ക്മാൻ അവറാൻ എന്നിവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. ഇന്നലെയാണ് ചിത്രത്തിന്റെ ആദ്യ ഗാനം പുറത്തിറങ്ങിയത്.
എവരിഡേ.. എന്ന് തുടങ്ങുന്ന ഗാനം യൂട്യൂബിൽ ട്രെൻഡിംഗായി തുടരുകയാണ്. ഗാനം ആലപിച്ചിരിക്കുന്നത് സഞ്ജിത് ഹെഡ്ജ്, വിഷ്ണു വിജയ്, നിളരാജ്, ചിന്മയി, വാസുദേവ് എന്നിവരാണ്. സുഹൈൽ കോയയുടെ വരികൾക്ക് വിഷ്ണു വിജയാണ് 'ആലപ്പുഴ ജിംഖാന'യുടെ സംഗീതം നിർവ്വഹിക്കുന്നത്. പ്ലാൻ ബി മോഷൻ പിക്ചേർസിന്റെ ബാനറിൽ ഖാലിദ് റഹ്മാൻ, ജോബിൻ ജോർജ്, സമീർ കാരാട്ട്, സുബീഷ് കണ്ണഞ്ചേരി എന്നിവർ ചേർന്നാണ് ചിത്രം നിർമ്മിക്കുന്നത്. പ്ലാൻ ബി മോഷൻ പിക്ചർസിന്റെ ആദ്യ നിർമ്മാണ സംരംഭമാണിത്. ഖാലിദ് റഹ്മാനും ശ്രീനി ശശീന്ദ്രനും ചേർന്ന് തിരക്കഥ രചിച്ച ചിത്രത്തിനായ് സംഭാഷണങ്ങൾ തയ്യാറാക്കിയിരിക്കുന്നത് രതീഷ് രവിയാണ്.
100 കോടി നേടിയ പ്രേമലു, വിജയം നേടിയ ഐ ആം കാതലന്‍ എന്നീ ചിത്രങ്ങള്‍ക്ക് ശേഷം നസ്ലെൻ പ്രധാന വേഷത്തില്‍ എത്തുന്ന ചിത്രമാണ് 'ആലപ്പുഴ ജിംഖാന'. ഒരു കോമ‍ഡി സ്പോര്‍ട്സ് ഡ്രാമയായി ഒരുങ്ങുന്ന ചിത്രത്തിൽ സന്ദീപ് പ്രദീപ്, ഫ്രാങ്കോ ഫ്രാൻസിസ്, ബേബി ജീൻ, ശിവ ഹരിഹരൻ, ഷോൺ ജോയ്, കാർത്തിക്, നന്ദ നിഷാന്ത്, നോയില ഫ്രാൻസി തുടങ്ങിയവരും പ്രധാനമായ കഥാപാത്രങ്ങളെ അവതരിപ്പിക്കുന്നുണ്ട്. ജിംഷി ഖാലിദ് ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റർ നിഷാദ് യൂസഫ് ആണ്. വിഷ്ണു വിജയാണ് ചിത്രത്തിന്റെ സംഗീതം ഒരുക്കുന്നത്.
ഓഡിയോഗ്രാഫി വിഷ്ണു ഗോവിന്ദ്, ലിറിക്‌സ് മുഹ്സിൻ പരാരി, വസ്ത്രാലങ്കാരം മാഷർ ഹംസ, വി എഫ് എക്സ് ഡിജി ബ്രിക്സ്, മേക്കപ്പ് റോണക്സ് സേവിയർ, ആക്ഷൻ കോറിയോഗ്രാഫി ജോഫിൽ ലാൽ, കലൈ കിംഗ്സൺ, ആർട്ട് ഡയറക്ടർ ആഷിക് എസ്, അസോസിയേറ്റ് ഡയറക്ടർ ലിതിൻ കെ ടി, ലൈൻ പ്രൊഡ്യൂസർ വിഷാദ് കെ എൽ, പ്രൊഡക്ഷൻ കൺട്രോളർ പ്രശാന്ത് നാരായണൻ, സ്റ്റിൽ ഫോട്ടോഗ്രഫി രാജേഷ് നടരാജൻ, അർജുൻ കല്ലിങ്കൽ, പ്രൊമോഷണൽ ഡിസൈൻസ് ചാർളി & ദ ബോയ്സ്, പിആർഒ & മാർക്കറ്റിംഗ് വൈശാഖ് സി വടക്കേവീട് & ജിനു അനിൽകുമാർ എന്നിവരാണ് മറ്റ് അണിയറ പ്രവര്‍ത്തകര്‍.