കതിര്‍, ഷൈന്‍ ടോം ചാക്കോ എന്നിവര്‍ ഒന്നിക്കുന്ന സസ്‌പെന്‍സ് ഡ്രാമ ചിത്രം; 'മീശ' ആഗസ്റ്റ് ഒന്നിന് പ്രദര്‍ശനത്തിനെത്തും
'മീശ' ആഗസ്റ്റില്‍ പ്രദര്‍ശനത്തിന്
കൊച്ചി: കതിര്‍, ഷൈന്‍ ടോം ചാക്കോ എന്നിവരെ പ്രധാന കഥാപാത്രങ്ങളാക്കി എംസി ജോസഫ് തിരക്കഥയെഴുതി സംവിധാനം ചെയ്യുന്ന സസ്‌പെന്‍സ് ഡ്രാമ ചിത്രമായ 'മീശ' ആഗസ്റ്റ് ഒന്നിന് പ്രദര്‍ശനത്തിനെത്തും. വനത്തിന്റെ നിഗൂഡതകളെ പശ്ചാത്തലമാക്കി തീവ്രമായ ഒരു രാത്രിയുടെ കഥ പറയുന്നതാണ് ചിത്രം.
ദീര്‍ഘനാളുകള്‍ക്കു ശേഷം വീണ്ടും ഒരു കൂട്ടം സുഹൃത്തുക്കള്‍ ഒരുമിക്കുകയും എന്നാല്‍ അതൊരു അപ്രതീക്ഷിത പ്രശ്‌നങ്ങളിലേക്ക് വഴി മാറുകയും ചെയ്യുന്നതിന്റെ സംഭവബഹുലമായ മുഹൂര്‍ത്തങ്ങളാണ് ദൃശ്യവല്‍ക്കരിക്കുന്നത്. ഹക്കീം ഷാ,ജിയോ ബേബി, ശ്രീകാന്ത് മുരളി,സുധി കോപ്പ, ഉണ്ണി ലാലു, ഹസ്ലി തുടങ്ങിയവരും ചിത്രത്തില്‍ അണിനിരക്കുന്നു.
യൂണികോണ്‍ മൂവീസിന്റെ ബാനറില്‍ സജീര്‍ ഗഫൂര്‍ നിര്‍മ്മിക്കുന്ന ഈ ചിത്രത്തിന്റെ ഛായാഗ്രാഹണം സുരേഷ് രാജന്‍ നിര്‍വഹിച്ചിരിക്കുന്നു. എഡിറ്റിംഗ്-മനോജ്,സംഗീതം-സൂരജ് എസ് കുറുപ്പ്,ലൈന്‍ പ്രൊഡ്യൂസര്‍-സണ്ണി തഴുത്തല.