ആറ് വര്‍ഷത്തിന് ശേഷം വീണ്ടും ഹിറ്റടിക്കാന്‍ നിവിനും നയനും; ഡിയര്‍ സ്റ്റുഷഡന്‍സ് പോസ്റ്റര്‍ പുറത്ത്‌വിട്ട് അണിയറപ്രവര്‍ത്തകര്‍
ലവ് ആക്ഷന്‍ ഡ്രാമ എന്ന ചിത്രത്തിന് ശേഷം നിവിന്‍ പോളിയും നയന്‍താരയും വീണ്ടുമൊന്നിക്കുന്നു. ഡിയര്‍ സ്റ്റുഡന്‍സ് എന്ന ചിത്രത്തിലൂടെയാണ് ഹിറ്റ് കോമ്പോയെത്തുക. ഇപ്പോഴിതാ ചിത്രത്തിന്റെ പുതിയ പോസ്റ്റര്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. നിവിന്റെയും നയന്‍താരയുടെയും ചിത്രങ്ങളാണ് പോസ്റ്ററിലുള്ളത്. 'പുതുവര്‍ഷത്തില്‍ പുതിയ കഥകള്‍... 2025 ഒരു അത്യുഗ്രന്‍ യാത്രയ്ക്ക് തയ്യാറെടുക്കുന്നു' എന്ന കുറിപ്പോടെയാണ് നിവിന്‍ പോസ്റ്റര്‍ സമൂഹ മാധ്യമങ്ങളില്‍ പങ്കുവെച്ചിരിക്കുന്നത്.
ജോര്‍ജ് ഫിലിപ്പ് റോയ്, സന്ദീപ് കുമാര്‍ എന്നിവര്‍ ചേര്‍ന്നാണ് ചിത്രം സംവിധാനം ചെയ്യുന്നത്. വിനീത് ജെയ്ന്‍, നിവിന്‍ പോളി എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. നയന്‍താരയുടെയും ഭര്‍ത്താവ് വിഘ്‌നേഷ് ശിവന്റേയും പ്രോഡക്ഷന്‍ കമ്പനിയായ റൗഡി പിക്‌ചേഴ്‌സും സിനിമയുടെ ഭാഗമാണ്. 2019ല്‍ പുറത്തിറങ്ങിയ ലൗ ആക്ഷന്‍ ഡ്രാമ എന്ന സിനിമയിലൂടെയാണ് അവസാനമായി നിവിന്‍ പോളിയും നയന്‍ താരയും ഒന്നിച്ചത്. നടന്‍ ധ്യാന്‍ ശ്രീനിവാസന്‍ സംവിധായകന്റെ കുപ്പായം ആദ്യമായി അണിഞ്ഞ സിനിമ ആയിരുന്നു ഇത്.