അന്നേരം മിസൈൽ വിക്ഷേപണത്തെക്കുറിച്ചുള്ള റിപ്പോർട്ടുകൾ പുറത്തുവന്നു; വിമാനത്താവളങ്ങൾ അടയ്ക്കുന്നതിന് മുമ്പ് തന്നെ പശ്ചിമേഷ്യവിട്ടു; അനുഭവം പറഞ്ഞ് സംഗീത സംവിധായകൻ

പശ്ചിമേഷ്യയിൽ യുദ്ധം രൂക്ഷമാകുന്നതിനിടെ പ്രശസ്ത സംഗീത സംവിധായകൻ സന്തോഷ് നാരായണനും സംഘവും ഖത്തറിൽ നിന്ന് തിരികെ ഇന്ത്യയിലെത്തി. ഇറാൻ-ഇസ്രായേൽ സംഘർഷം പുതിയ തലങ്ങളിലേക്ക് കടക്കുകയും അമേരിക്കൻ ഇടപെടൽ ശക്തമാകുകയും ചെയ്ത സാഹചര്യത്തിലാണ് സന്തോഷ് നാരായണൻ ഖത്തർ വിട്ടത്. ഖത്തറിലെ തന്റെ ഔദ്യോഗിക പരിപാടികൾ പൂർത്തിയാക്കിയ ശേഷമാണ് അദ്ദേഹം മടങ്ങിയതെന്ന് റിപ്പോർട്ടുകൾ സൂചിപ്പിക്കുന്നു.

പശ്ചിമേഷ്യയിൽ യുദ്ധഭീതി നിലനിൽക്കുന്നതിനാൽ വിമാന സർവീസുകൾ താറുമാറായതും സുരക്ഷാ ഭീഷണിയുമാണ് പെട്ടെന്നുള്ള മടങ്ങിവരവിന് കാരണമായത്. ഗൾഫ് രാജ്യങ്ങളിൽ പലയിടത്തും വ്യോമപാതകൾ അടച്ചതും യാത്രയെ ബാധിച്ചു.ദുബായ് വിമാനത്താവളത്തിൽ കുടുങ്ങിയ ഇന്ത്യൻ താരം പി.വി. സിന്ധു സ്ഫോടനത്തിന് സാക്ഷിയായ വാർത്ത പുറത്തുവന്നതിന് പിന്നാലെയാണ് സന്തോഷ് നാരായണനും ഖത്തറിൽ നിന്ന് സുരക്ഷിതമായി മടങ്ങിയ വിവരം പുറത്തുവരുന്നത്.

നിലവിൽ അദ്ദേഹം ഇന്ത്യയിൽ സുരക്ഷിതനായി എത്തിയതായാണ് വിവരം. യുദ്ധസമാനമായ സാഹചര്യം കാരണം ഗൾഫ് രാജ്യങ്ങളിലുള്ള പല പ്രമുഖരും ഇന്ത്യക്കാരായ യാത്രക്കാരും വലിയ ആശങ്കയിലാണെന്നും റിപ്പോർട്ട് വ്യക്തമാക്കുന്നു.