മാത്യു തോമസും ദേവികാ സഞ്ജയും ആദ്യമായി ഒരുമിക്കുന്ന ചിത്രം; അരുൺ ലാൽ രാമചന്ദ്രൻ ഒരുക്കുന്ന 'സുഖമാണോ സുഖമാണ്' ഫെബ്രുവരി 13ന്

കൊച്ചി: യുവതാരങ്ങളായ മാത്യു തോമസും ദേവികാ സഞ്ജയും ആദ്യമായി ഒരുമിക്കുന്ന 'സുഖമാണോ സുഖമാണ്' എന്ന ചിത്രം ഫെബ്രുവരി 13-ന് തിയേറ്ററുകളിലെത്തും. അരുൺ ലാൽ രാമചന്ദ്രൻ രചനയും സംവിധാനവും നിർവഹിക്കുന്ന ഈ ചിത്രം പ്രേക്ഷകർ ഏറെ ആകാംഷയോടെ കാത്തിരിക്കുന്ന ഒന്നാണ്. ലൂസിഫർ സർക്കസിന്റെ ബാനറിൽ ഗൗരവ് ചനാനയാണ് ചിത്രത്തിന്റെ നിർമാണം. കേരളത്തിലെ തിയേറ്ററുകളിലേക്ക് ചിത്രം എത്തിക്കുന്നത് ഡ്രീം ബിഗ് ഫിലിംസാണ്.

ഓവർസീസ് വിതരണാവകാശം പ്ലോട്ട് പിക്ചേഴ്സിനാണ്. ചിത്രത്തിന്റെ ഓഡിയോ റൈറ്റ്സ് ലൂസിഫർ മ്യൂസിക് സ്വന്തമാക്കിയിട്ടുണ്ട്. ജഗദീഷ്, സ്ഫടികം ജോർജ്, കുടശ്ശനാട് കനകം, നോബി മാർക്കോസ്, അഖിൽ കവലയൂർ, മണിക്കുട്ടൻ, ജിബിൻ ഗോപിനാഥ്, അബിൻ ബിനോ, തബ റീമ, ഗായത്രി മയൂര, സന്ധ്യാ മനോജ് എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്.

ചിത്രത്തിന്റെ സാങ്കേതിക വിഭാഗത്തിൽ ടോബിൻ തോമസ് (ഡി.ഒ.പി), അപ്പു ഭട്ടതിരി (എഡിറ്റർ), നിപിൻ ബെസെന്റ് (മ്യൂസിക്), ഗരിമ വോഹ്ര (കോ-പ്രൊഡ്യൂസർ), അർച്ചിത് ഗോയൽ (അസോസിയേറ്റ് പ്രൊഡ്യൂസർ), രാകേന്ത് പൈ (ഹെഡ് ഓഫ് പ്രൊഡക്ഷൻസ്), ജിനു പി.കെ (പ്രൊഡക്ഷൻ കൺട്രോളർ), കിഷൻ സപ്ത (സൗണ്ട് ഡിസൈൻ), ഹരി പിഷാരടി (സൗണ്ട് മിക്സിങ്), ബോബൻ കിഷോർ (ആർട്ട് ഡയറക്റ്റർ), സുഹൈൽ എം (ചീഫ് അസോസിയേറ്റ് ഡയറക്ടർ), ഷിനു ഉഷസ് (വസ്ത്രാലങ്കാരം), സിജീഷ് കൊണ്ടോട്ടി (മേക്കപ്പ്), ലിജു പ്രഭാകർ (കളറിസ്റ്റ്), കാസ്റ്റ് മി പെർഫെക്റ്റ് (കാസ്റ്റിങ്), നന്ദു ഗോപാലകൃഷ്ണൻ (സ്റ്റിൽസ്), മാക്ഗുഫിൻ (ഡിസൈൻ), പ്രതീഷ് ശേഖർ (പിആർഒ ആൻഡ് മാർക്കറ്റിങ് കൺസൾട്ടന്റ്) എന്നിവർ പ്രവർത്തിക്കുന്നു.