'ഒരൊറ്റ മെസ്സേജിൽ അദ്ദേഹമെത്തി, ഷോ ഒരുത്സവമാക്കി മാറ്റി'; ഇത് ഉടൻ തന്നെ നിങ്ങളുടെ മുന്നിലെത്തും; ഡബ്ബിംഗ് സ്റ്റുഡിയോയിലെ മമ്മൂട്ടിയുടെ ചിത്രങ്ങൾ പങ്കുവെച്ച് രേവതി
കൊച്ചി: മമ്മൂട്ടി ഒരു പുതിയ പ്രോജക്റ്റിന്റെ ഭാഗമായി ഡബ്ബിംഗ് സ്റ്റുഡിയോയിൽ എത്തിയ ചിത്രങ്ങൾ പങ്കുവെച്ച് നടി രേവതി. ഓസ്കാർ ജേതാവ് റസൂൽ പൂക്കുട്ടി, സംവിധായകൻ ശങ്കർ രാമകൃഷ്ണൻ എന്നിവരും മമ്മൂട്ടിയോടൊപ്പം സ്റ്റുഡിയോയിൽ ഉണ്ടായിരുന്നു. ഈ പുതിയ പ്രോജക്റ്റിൽ സംവിധായകൻ രഞ്ജിത്തും അസോസിയേറ്റ് ചെയ്യുന്നതായി റിപ്പോർട്ടുകളുണ്ട്.
"ഒരൊറ്റ മെസ്സേജ് അയച്ചപ്പോൾ അദ്ദേഹം വന്ന് ഞങ്ങളുടെ ഷോയെ ഒരുത്സവമാക്കി മാറ്റി. റസൂൽ പൂക്കുട്ടി, ശങ്കർ രാമകൃഷ്ണൻ, ലാൽ മീഡിയയിലെ സൗണ്ട് എൻജിനീയർ സുബിൻ എന്നിവരും അദ്ദേഹത്തോടൊപ്പം സംഭാവനകൾ നൽകി. ഇത് ഉടൻ തന്നെ നിങ്ങളുടെ മുന്നിലെത്തും," എന്നാണ് രേവതി ഇൻസ്റ്റഗ്രാമിൽ കുറിച്ചത്.
രേവതിയും മമ്മൂട്ടിയും ഭാഗമായ എന്നാൽ, ചിത്രത്തിന്റെ വിശദാംശങ്ങളോ ഇത് ഒരു സിനിമയാണോ അതോ മറ്റ് സംരംഭങ്ങളാണോ എന്നതിനെക്കുറിച്ചുള്ള ഔദ്യോഗിക വിവരങ്ങളൊന്നും പുറത്തുവന്നിട്ടില്ല. മമ്മൂട്ടി, രേവതി, റസൂൽ പൂക്കുട്ടി, ശങ്കർ രാമകൃഷ്ണൻ തുടങ്ങിയ പ്രതിഭകൾ ഒന്നിക്കുന്ന ഈ പ്രോജക്റ്റ് മലയാള സിനിമാപ്രേമികൾക്ക് വലിയ പ്രതീക്ഷയാണ് നൽകുന്നത്.