'നേരത്തെ ബഹുമാനമായിരുന്നു, ഇപ്പോൾ പേര് കേട്ടാൽ തന്നെ ചിരി വരും'; മാക്രികള്‍ക്ക് മറുപടി കൊടുക്കാന്‍ സുവോളജിയാണോ പഠിച്ചത്; നിങ്ങൾക്ക് ഉളുപ്പുണ്ടോ?; അഖിൽ മാരാരെ പരിഹസിച്ച് ശാരിക
കൊച്ചി: മുൻ ബിഗ് ബോസ് വിജയിയും സിനിമാ സംവിധായകനുമായ അഖിൽ മാരാർക്കെതിരെ രൂക്ഷ വിമർശനവുമായി ബിഗ് ബോസ് മലയാളം സീസൺ 7 മത്സരാർത്ഥിയായിരുന്ന കെ.ബി ശാരിക. സഹമത്സരാർത്ഥിയായ ശൈത്യ സന്തോഷിനെതിരെ അഖിൽ മാരാർ നടത്തിയ പരാമർശങ്ങളോടുള്ള പ്രതികരണമായാണ് ശാരികയുടെ വിമർശനം.
ബിഗ് ബോസ് സീസൺ 7 അവസാനിച്ചതിന് പിന്നാലെ, മത്സരാർത്ഥി ശൈത്യ സന്തോഷ് അഖിൽ മാരാരെ വിമർശിച്ച് രംഗത്തെത്തിയിരുന്നു. "മാരാർ കൊട്ടിയാൽ മാക്രി കരയും, പക്ഷേ അഡ്വക്കേറ്റ് ശൈത്യ കരയില്ല" എന്നായിരുന്നു ശൈത്യയുടെ വാക്കുകൾ. ഇതിന് മറുപടിയായി അഖിൽ മാരാർ ശൈത്യയെ "പൊട്ടക്കിണറ്റിലെ തവള" എന്ന് വിശേഷിപ്പിക്കുകയും "മാക്രികൾ കാരണം വലിയ ശല്യമാണെന്നും" പറയുകയുണ്ടായി.
ഈ വിഷയത്തിൽ പ്രതികരിച്ച ശാരിക, ഫേസ്ബുക്കിൽ പങ്കുവെച്ച വീഡിയോയിലൂടെയാണ് അഖിൽ മാരാരെ കടന്നാക്രമിച്ചത്. "മാക്രികൾക്ക് മറുപടി കൊടുക്കാൻ നിങ്ങൾ ആരാണ്? സുവോളജിയാണോ നിങ്ങൾ ഡിഗ്രിക്ക് പഠിച്ചത്?" എന്ന് പരിഹാസരൂപേണ ശാരിക ചോദിക്കുന്നു. മാക്രികളുടെ അനാട്ടമിയെക്കുറിച്ച് അഖിൽ മാരാർ പറയുന്നതിനാലാണ് താൻ ഇങ്ങനെ ചോദിക്കുന്നതെന്നും അവർ കൂട്ടിച്ചേർത്തു.
നേരത്തെ ബഹുമാനത്തോടെ കണ്ടിരുന്ന ഒരാളാണ് അഖിൽ മാരാരെന്ന് പറഞ്ഞ ശാരിക, ഇപ്പോൾ അദ്ദേഹത്തെക്കുറിച്ച് പറയുമ്പോൾ ചിരിയാണ് വരുന്നതെന്നും വ്യക്തമാക്കി. ശൈത്യയെ "കട്ടപ്പ" എന്ന് വിളിക്കുന്നതിൻ്റെ കാരണം സഹമത്സരാർത്ഥികൾക്കുപോലും അറിയില്ലെന്ന് അവർ സൂചിപ്പിച്ചു. അനുമോൾക്കെതിരെ അഖിൽ മാരാർക്ക് പരാതിയുണ്ടെങ്കിൽ, അനുമോൾ ഇതുവരെ അക്കാര്യത്തെക്കുറിച്ച് പ്രതികരിച്ചിട്ടില്ലെന്നും ശാരിക ഓർമ്മിപ്പിച്ചു.
അഖിൽ മാരാർ തൻ്റെ സീസണിൽ പോലും ഇല്ലാത്ത ഒരാൾ (ശൈത്യ) ആക്രമിച്ചാൽ സ്വാഭാവികമായും പ്രതികരിച്ചു പോകും. അഖിൽ മാരാർ ഫേസ്ബുക്ക് ലൈവിൽ വന്ന് മറ്റുള്ളവരെ അധിക്ഷേപിക്കാനാണ് ശ്രമിക്കുന്നതെന്നും, അതിൽ ഉളുപ്പില്ലേയെന്നും ശാരിക ചോദിക്കുന്നു. സ്വയം പ്രശംസിക്കുന്ന അഖിൽ മാരാരോട്, "മാക്രികൾക്ക് മറുപടി കൊടുക്കാൻ നിങ്ങൾ ആരാണെന്ന്" ചോദിച്ച് ശാരികയുടെ പ്രതികരണം അവസാനിക്കുന്നു.