ഖുര്‍ആന്‍ ലേണിംഗ് സ്‌കൂള്‍ പരീക്ഷ ഹവല്ലിയില്‍ നടന്നു
By : സ്വന്തം ലേഖകൻ
Update: 2025-11-04 13:34 GMT
കുവൈത്ത് സിറ്റി : ഇന്ത്യന്‍ ഇസ്ലാഹി സെന്റര്‍ കേന്ദ്ര ഖ്യു.എല്‍.എസ്സിന് കീഴില്‍ നടന്നു വരുന്ന ഖുര്‍ആന്‍ ലേണിംഗ് സ്‌കൂള്‍ പഠിതാക്കളുടെ കേന്ദ്രീകൃത പരീക്ഷ ഹവല്ലി അല്‍സീര്‍ സെന്ററില്‍ വെച്ച് നടന്നു.
വിവിധ ശാഖകളില്‍ നിന്നുള്ള പഠിതാക്കളാണ് പരീക്ഷയില്‍ പങ്കെടുത്തത്. സൂറ. ഫാത്തിഹ, അലഖ്, ഖദ്ര്‍ എന്നിവയായിരുന്നു പരീക്ഷ ഭാഗം. പരീക്ഷയ്ക്ക് കേന്ദ്ര ഐ.ഐ.സി സെക്രട്ടറിമാരായ ഷാനിബ് പേരാമ്പ്ര, അബ്ദുന്നാസര്‍ മുട്ടില്‍, മുര്‍ഷിദ് അരീക്കാട്, അല്‍ അമീന്‍ സുല്ലമി എന്നിവര്‍ നേതൃത്വം നല്‍കി.
പരീക്ഷ വിജയികളെ നവംബര്‍ 7 വെള്ളിയാഴ്ച വെകിട്ട് 6.30 ന് റിഗ്ഗഈ ഔക്കാഫ് ഓഡിറ്റോറിയത്തില്‍ നടക്കുന്ന ആദര്‍ശ കുടുംബ സംഗമത്തില്‍ വെച്ച് പ്രഖ്യാപിക്കും.