ഓവര്സീസ് എന് സി പി കുവൈറ്റ് കമ്മിറ്റി, ശരദ് പവാറിന്റെ ജന്മദിനാഘോഷം സംഘടിപ്പിച്ചു
കുവൈറ്റ് സിറ്റി:ഓവര്സീസ് എന് സി പി കുവൈറ്റ് കമ്മിറ്റി എന് സി പി - എസ് പി ദേശീയ അധ്യക്ഷന് ശ്രീ ശരദ് പവാര് എം.പിയുടെ എണ്പത്തി അഞ്ചാം ജന്മദിനാഘോഷം സംഘടിപ്പിച്ചു. .മുന് കേന്ദ്ര മന്ത്രിയും, മഹാരാഷ്ട്ര മുഖ്യമന്ത്രിയു മായിരുന്ന ഇന്ത്യന് രാഷ്ട്രീയത്തിലെ അതികായനായ ശരദ് പവാറിന്റെ ജന്മദിനാഘോഷ പരിപാടി സംഘടിപ്പിച്ച് ഒ എന് സി പി കുവൈറ്റ് കമ്മിറ്റി അദ്ദേഹത്തിന് ആശംസകള് നേര്ന്നു.
ഒ എന് സി പി കുവൈറ്റ് ജോയിന്റ് സെക്രട്ടറി അശോകന് തിരുവനന്തപുരം സ്വാഗതം പറഞ്ഞ ചടങ്ങില് ഒ എന് സി പി കുവൈറ്റ് പ്രസിഡണ്ട് ജീവ്സ് എരിഞ്ചേരി അധ്യക്ഷത വഹിച്ചു.എന് സി പി ഓവര്സീസ് സെല് ദേശീയ അധ്യക്ഷനും , ദേശീയ വര്ക്കിംഗ് കമ്മിറ്റി അംഗവുമായ ബാബു ഫ്രാന്സീസ് ഉദ്ഘാടനം ചെയ്തു. ഒ എന് സി പി ഗ്ലോബല് ട്രഷറര് ബിജു സ്റ്റീഫന് ' ഇന്ത്യന് രാഷ്ട്രീയവും പവാര്്ജിയും' വിഷയാവതരണം നടത്തി.
വൈസ് പ്രസിഡന്റ് പ്രിന്സ് കൊല്ലപ്പിള്ളില്, എക്സിക്യൂട്ടീവ് കമ്മിറ്റി അംഗം സാദിഖ് അലി - ലക്ഷദ്വീപ് എന്നിവര് ആശംസകള് അര്പ്പിച്ചു സംസാരിച്ചു. കുവൈറ്റ് കമ്മിറ്റി ട്രഷറര് രവീന്ദ്രന് നന്ദി പറഞ്ഞു. പരിപാടിയോടനുബന്ധിച്ച് പ്രവാസികള്ക്ക് മധുരം വിതരണം ചെയ്തു. എക്സിക്യൂട്ടീവ് അംഗങ്ങളായസണ്ണി കെ അല്ലീസ്, ജിനു,അബ്ദുള് അസീസ് - കോഴിക്കോട്, ഉമ്മന് ഫിലിപ്പ് എന്നിവര് പരിപാടിക്ക് നേതൃത്വം നല്കി.