വീട്ടിൽ കയറിയാൽ എപ്പോഴും വഴക്ക്; പിന്നാലെ ഭാര്യയുടെ വക മധുര പ്രതികാരം; പ്രവാസിയെ അറസ്റ്റ് ചെയ്ത് പോലീസ്

കുവൈറ്റ്: ദാമ്പത്യ തർക്കങ്ങളെ തുടർന്ന് ഭാര്യയെ കുടുക്കുക എന്ന ലക്ഷ്യത്തോടെ അവരുടെ കാറിൽ മയക്കുമരുന്ന് ഒളിപ്പിച്ച ഈജിപ്ഷ്യൻ പൗരനായ പ്രവാസി കുവൈത്തിൽ അറസ്റ്റിലായി.

മയക്കുമരുന്ന് നിയന്ത്രണത്തിനായുള്ള ജനറൽ ഡയറക്ടറേറ്റ് ആണ് പ്രതിയെ പിടികൂടിയത്. ദാമ്പത്യ കലഹങ്ങളെ തുടർന്നുണ്ടായ പ്രതികാര നടപടിയുടെ ഭാഗമായിട്ടാണ് ഇയാൾ ഭാര്യയുടെ കാറിൽ ആരും കാണാതെ ഒരു ബാഗ് മെത്താംഫെറ്റാമൈൻ ഒളിപ്പിച്ചത് എന്ന് അന്വേഷണത്തിൽ കണ്ടെത്തി.

ഈ ഗുരുതരമായ കുറ്റകൃത്യം ചെയ്യാൻ കാരണം ഭാര്യയുമായുള്ള വ്യക്തിപരമായ വഴക്കുകളാണെന്ന് പ്രവാസി സമ്മതിച്ചതായി റിപ്പോർട്ടുണ്ട്. തെറ്റായ റിപ്പോർട്ട് നൽകൽ, പൊതുസമാധാനം തകർക്കൽ, നിയമവിരുദ്ധ മയക്കുമരുന്ന് കൈവശം വെക്കൽ എന്നിവയുൾപ്പെടെ നിരവധി കുറ്റങ്ങളാണ് ഇയാൾക്കെതിരെ ചുമത്തിയിട്ടുള്ളത്.