സെന്റ് പീറ്റേഴ്സ് സി.എസ്.ഐ ആദ്യഫല പെരുന്നാള് ജനുവരി 17ന്
കുവൈറ്റ് സെന്റ് പീറ്റേഴ്സ് സി.എസ്ഐ. ഇടവകയുടെ ആദ്യഫല പെരുന്നാള് 2026 ജനുവരി 17 ശനിയാഴ്ച്ച രാവിലെ 8 മണി മുതല് എന്.ഇ.സി.കെ ദേവാലയത്തില് നടത്തപ്പെടും . സമര്പ്പണശുശ്രൂഷയോടെ ആദ്യഫലപ്പെരുന്നാളിനു ആരംഭമാകും.
സുപ്രസിദ്ധ ക്രിസ്തീയ ഗാന രചയിതാവും ഡി .എസ്. എം. സി. മുന് ഡയറക്ടറുമായ റവ. സാജന് പി. മാത്യു ആദ്യ ഫല പെരുന്നാള് ഉദ്ഘാടനം ചെയ്യും . ഇന്ത്യന് എംബസി പ്രതിനിധി ഹരീത്ത് ഖേത്തന് ഉള്പ്പെടെ കുവൈറ്റിലെ വിവിധ ആധ്യാത്മിക സാമൂഹിക നേതാക്കന്മാര് പങ്കെടുക്കുന്നതായിരിക്കും.റവ. സി എം ഈപ്പന് അദ്ധ്യക്ഷത വഹിക്കും
ജനറല് കണ്വീനര് വിനോദ് കുര്യന് , ജോണ്സണ് വര്ഗീസ് ,ഫില്ജി ജേക്കബ് , തോമസ് ജോണ് എന്നിവര് വിവിധ കമ്മിറ്റികള്ക്ക് നേതൃത്വം വഹിക്കുന്നു. ഹാര്വെസ്റ് ഫെസ്റ്റിവലില് 30 വ്യത്യസ്ത ഭക്ഷണശാലകള് പ്രവര്ത്തിക്കും , വിവിധ കലാ സാംസ്കാരിക പരിപാടികളും വിവിധ ക്രിസ്തീയ ദേവാലയങ്ങളുടെ ഗായകസംഘങ്ങളുടെ ഗാനശുശ്രൂഷകളും ആദ്യഫല പെരുന്നാളിനോട് അനുബന്ധിച്ച് ക്രമീകരിച്ചിരിക്കുന്നു.