അന്തിക്കാട് പഞ്ചായത്ത് കുളത്തില്‍ കുളിക്കാനിറങ്ങിയ യുവാവ് മുങ്ങി മരിച്ചു; അപകടം പള്ളി തിരുനാള്‍ ആഘോഷത്തിന് എത്തിയപ്പോള്‍
കുളത്തില്‍ കുളിക്കാനിറങ്ങിയ യുവാവ് മുങ്ങി മരിച്ചു
Update: 2025-01-02 16:19 GMT
തൃശൂര്‍: അന്തിക്കാട് പഞ്ചായത്ത് കുളത്തില്‍ കുളിക്കാനിറങ്ങിയ യുവാവ് മുങ്ങി മരിച്ചു. കര്‍ണാടക സ്വദേശിയായ ആദര്‍ശ് (27) ആണ് മരിച്ചത്. സുഹൃത്തിന്റെ വീട്ടില്‍ പള്ളി തിരുനാള്‍ ആഘോഷത്തിനു എത്തിയതായിരുന്നു.
അഗ്‌നിരക്ഷാസേന എത്തിയാണ് മൃതദേഹം കണ്ടെടുത്തത്. ഇന്ന് വൈകീട്ടോടെയാണ് അപകടം. സുഹൃത്തിന്റെ വീടിനു സമീപമാണ് പഞ്ചായത്ത് കുളം. മറ്റുള്ളവര്‍ക്കൊപ്പമാണ് യുവാവും കുളിക്കാനിറങ്ങിയത്. അതിനിടെ വെള്ളത്തില്‍ മുങ്ങി പോകുകയായിരുന്നു.
ഒപ്പമുണ്ടായിരുന്നവര്‍ രക്ഷിക്കാന്‍ ശ്രമിച്ചെങ്കിലും നടന്നില്ല. നാട്ടുകാരും തിരച്ചില്‍ നടത്തിയെങ്കിലും കണ്ടെത്താനായില്ല. പിന്നാലെ അഗ്‌നിശമന സേന എത്തിയാണ് മൃതദേഹം കണ്ടെത്തിയത്.