യോഗി ആദിത്യനാഥിന് വധഭീഷണി; വീഡിയോ പ്രചരിപ്പിച്ച യുവാവിനെതിരെ അന്വേഷണം

ലക്‌നൗ: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന് നേരെ വധഭീഷണി മുഴക്കിയ യുവാവിനെതിരെ കേസെടുത്തു. സോഷ്യല്‍മീഡിയയിലൂടെ വധഭീഷണി മുഴക്കിയെ യുവാവിനെതിരെയാണ് പൊലീസ് എഫ്‌ഐആര്‍ രജിസ്റ്റര്‍ ചെയ്തത്. സ്‌ഫോടനം നടത്തുമെന്നും യോഗി ആദിത്യനാഥിനെ വധിക്കുമെന്നുമാണ് വീഡിയോ സന്ദേശത്തില്‍ യുവാവ് പറയുന്നത്.

'സനാതന ധര്‍മ സര്‍വോപരി' എന്ന വാട്‌സ്ആപ്പ് ഗ്രൂപ്പിലാണ് വീഡിയോ എത്തിയത്. ഇതിന് പിന്നാലെ തന്നെ ഗ്രൂപ്പിന്റെ അഡ്മിനായ യുവാവ് പൊലീസിനെ വിവരമറിയിക്കുകയായിരുന്നു. ഗൗര്‍ പൊലീസ് സ്റ്റേഷനിലെ ഉദ്യോഗസ്ഥരാണ് കേസ് അന്വേഷിക്കുന്നത്.

സംഭവത്തില്‍ ഐടി അക്ട് പ്രകാരമാണ് കേസെടുത്തത്. ഭീഷണിപ്പെടുത്തല്‍, പൊതുജനങ്ങളെ ആശങ്കപ്പെടുത്തുന്ന പ്രസ്താവനകള്‍, ക്രിമിനല്‍ കുറ്റം എന്നിവ ചുമതിയാണ് എഫ്‌ഐആര്‍ രജിസ്റ്റര്‍ ചെയ്തിരിക്കുന്ന്. പ്രതിയെ കണ്ടെത്താനുള്ള ശ്രമങ്ങള്‍ തുടങ്ങിയിട്ടുണ്ടെന്ന് പൊലീസ് അറിയിച്ചു.