സ്‌കൂട്ടര്‍ യാത്രികനായ യുവാവിനെ കാറിടിച്ച് കൊലപ്പെടുത്തിയ ശേഷം കടന്നു കളഞ്ഞു; അസമീസ് നടി നന്ദിനി കശ്യപ് അറസ്റ്റില്‍
സ്‌കൂട്ടര്‍ യാത്രികനായ യുവാവിനെ കാറിടിച്ച് കൊലപ്പെടുത്തിയ ശേഷം കടന്നു കളഞ്ഞു; അസമീസ് നടി നന്ദിനി കശ്യപ് അറസ്റ്റില്‍
ഗുവാഹത്തി: യുവാവിനെ കാറിടിച്ച് കൊലപ്പെടുത്തിയ ശേഷം വാഹനവുമായി കടന്നു കളഞ്ഞ അസമീസ് നടി നന്ദിനി കശ്യപ് അറസ്റ്റില്‍. സ്‌കൂട്ടറില്‍ യാത്ര ചെയ്യുകയായിരുന്ന പോളിടെക്‌നിക് വിദ്യാര്‍ഥി സമിയുല്‍ ഹഖാണ് (21) കൊല്ലപ്പെട്ടത്. ജൂലൈ 25നായിരുന്നു സംഭവം. അപകടത്തിന്റെ സിസിടിവി ദൃശ്യങ്ങളും പുറത്തുവന്നിരുന്നു. ഗുരുതര പരുക്കേറ്റ ഹഖിനെ നാട്ടുകാര്‍ ആശുപത്രിയിലെത്തിച്ചെങ്കിലും രക്ഷിക്കാന്‍ സാധിച്ചിരുന്നില്ല.
ദിസ്പുര്‍ പൊലീസ് സ്റ്റേഷന്‍ പരിധിയിലെ ദഖിന്‍ഗാവിലായിരുന്നു വാഹനാപകടം നടന്നത്. കേസില്‍ കാംരൂപ് (മെട്രോ) സിജെഎം കോടതി ജാമ്യാപേക്ഷ തള്ളിയതിനെത്തുടര്‍ന്ന് നടി നന്ദിനി കശ്യപിനെ ബുധനാഴ്ച രണ്ട് ദിവസത്തെ പൊലീസ് കസ്റ്റഡിയില്‍ വിട്ടിട്ടുണ്ട്. ഇവരെ പാന്‍ബസാര്‍ വനിതാ പൊലീസ് സ്റ്റേഷനിലേക്ക് കൊണ്ടുപോയി. ഭാരതീയ ന്യായ സംഹിത (ബിഎന്‍എസ്) യുടെ വകുപ്പ് 105 പ്രകാരമാണ് കേസ് റജിസ്റ്റര്‍ ചെയ്തിരിക്കുന്നത്.