അഗ്‌നി 5ന്റെ എല്ലാ പ്രവര്‍ത്തനങ്ങളും കൃത്യം; രാജ്യത്തിന്റെ സൈനിക ശേഷിയ്ക്ക് തെളിവായി അതിനൂതന ബാലിസ്റ്റിക് മിസൈല്‍ വിജയകരമായി പരീക്ഷിച്ച് ഇന്ത്യ
By : സ്വന്തം ലേഖകൻ
Update: 2025-08-20 15:42 GMT
ന്യൂഡല്‍ഹി: ഇന്ത്യയുടെ തന്ത്രപ്രധാനമായ സൈനിക ശേഷി തെളിയിക്കുന്ന 'അഗ്‌നി 5' ബാലിസ്റ്റിക് മിസൈല്‍ വിജയകരമായി പരീക്ഷിച്ചുവെന്ന് പ്രതിരോധ മന്ത്രാലയം. ഒഡിഷയിലെ ചാന്ദിപ്പൂരിലായിരുന്നു പരീക്ഷണം.
5000 കിലോ മീറ്ററാണ് മിസൈലിന്റെ ദുരപരിധി. സ്ട്രാറ്റജിക് ഫോഴ്‌സ് കമാന്‍ഡിന്റെ കീഴിലായിരുന്നു മിസൈല്‍ പരീക്ഷണം. അഗ്‌നി 5ന്റെ എല്ലാ പ്രവര്‍ത്തനങ്ങളും കൃത്യമായിരുന്നു എന്നും പ്രതിരോധ മന്ത്രാലയം പ്രസ്താവനയില്‍ പറഞ്ഞു. ഇന്ത്യയുടെ പ്രതിരോധ ഗവേഷണ വികസന സ്ഥാപനമായ ഡിആര്‍ഡിഒ ആണ് മിസൈല്‍ രൂപകല്‍പന ചെയ്തിരിക്കുന്നത്.