ബിയര്‍ കഴിക്കാനുള്ള കുറഞ്ഞ പ്രായം 25-ല്‍ നിന്ന് 21 ആയി കുറയ്ക്കാന്‍ ആലോചന; അഭിപ്രായം തേടി ഡല്‍ഹി സര്‍ക്കാര്‍
ബിയര്‍ കഴിക്കാനുള്ള കുറഞ്ഞ പ്രായം 25-ല്‍ നിന്ന് 21 ആയി കുറയ്ക്കാന്‍ ആലോചന; അഭിപ്രായം തേടി ഡല്‍ഹി സര്‍ക്കാര്‍
By : സ്വന്തം ലേഖകൻ
Update: 2025-09-13 01:57 GMT
ന്യൂഡല്‍ഹി: ബിയര്‍ കഴിക്കാനുള്ള കുറഞ്ഞ പ്രായം 25-ല്‍ നിന്ന് 21 ആയി കുറയ്ക്കാന്‍ ഡല്‍ഹി സര്‍ക്കാര്‍ ആലോചിക്കുന്നു. പുതിയ എക്‌സൈസ് നയ രൂപവത്കരണത്തിന്റെ ഭാഗമായി ഉന്നതാധികാരസമിതി സമര്‍പ്പിച്ച റിപ്പോര്‍ട്ടിലാണ് ഇക്കാര്യമുള്ളത്.
ഉന്നതാധികാരസമിതി അധ്യക്ഷനായ പൊതുമരാമത്ത് മന്ത്രി പര്‍വേശ് വര്‍മ്മ ഇതുമായി ബന്ധപ്പെട്ട് വിവിധ കക്ഷികളില്‍നിന്ന് അഭിപ്രായം ശേഖരിക്കുന്നുണ്ട്. ബിയര്‍ നിര്‍മാതാക്കളില്‍നിന്നും വ്യാപാരം നടത്തുന്ന ഔട്ട് ലെറ്റ് നടത്തിപ്പുകാരില്‍നിന്നുമാണ് അഭിപ്രായംതേടുന്നത്.
ഗുഡ്ഗാവ്, നോയിഡ, ഘാസിയാബാദ്, ഫരീദാബാദ് തുടങ്ങിയ അയല്‍നഗരങ്ങളില്‍ പ്രായപരിധി 21 ആണ്. ഇതുമൂലം വലിയൊരു വിഭാഗം കച്ചവടം അവിടങ്ങളിലേക്ക് പോകുന്നുണ്ടെന്ന് സമിതിയുടെ റിപ്പോര്‍ട്ടിലുണ്ട്.