അമിതാവേശം ആപത്ത്..!; ട്രെയിന് മുന്നിൽ നിന്ന് റീൽ എടുക്കാൻ ശ്രമം; പാഞ്ഞ് വന്ന ട്രെയിൻ ഇടിച്ചുതെറിപ്പിച്ചു; 16 കാരന് ദാരുണാന്ത്യം

ബംഗ്ലാദേശ്: ഇപ്പോൾ സമൂഹമാധ്യമങ്ങളിൽ വൈറലാകാൻ വേണ്ടി എന്തും ചെയ്യും എന്ന സ്ഥിയിലേക്ക് എത്തിയിരിക്കുകയാണ്. ചിലത് വലിയ ആപത്തിലേക്ക് പോകുന്ന സന്ദർഭങ്ങളും ഉണ്ട്. അങ്ങനെ ഒരു സംഭവമാണ് ബംഗ്ലാദേശിൽ നടക്കുന്നത്. ഇൻസ്റ്റാഗ്രാമിൽ വൈറലാകാൻ വേണ്ടി ട്രെയിന് മുന്നിൽ നിന്ന് റീൽ എടുക്കാൻ ശ്രമിച്ച 16 കാരന് ദാരുണാന്ത്യം സംഭവിച്ചിരിക്കുകയാണ്.

ബംഗ്ലാദേശിലെ രംഗ്പൂരിലാണ് സംഭവം ഞെട്ടിപ്പിക്കുന്ന സംഭവം നടന്നിരിക്കുന്നത്. നാല് ആൺകുട്ടികൾ ചേർന്ന് ട്രെയിനു മുന്നിൽ റീൽ എടുക്കാൻ ശ്രമം നടത്തുകയായിരുന്നു. ഉടനെ അതിവേഗത്തിൽ പാഞ്ഞ് എത്തിയ ട്രെയിന് മുന്നിൽ ഡാൻസ് കളിച്ച് കയറി നിന്ന് റീൽ എടുക്കാൻ ശ്രമിക്കുന്നതിനിടെയാണ് 16 കാരനെ ട്രെയിൻ ഇടിച്ചുതെറിപ്പിച്ചത്.

കുട്ടി സംഭവസ്ഥലത്ത് വച്ച് തന്നെ മരണപ്പെടുകയും ചെയ്തു. വീഡിയോ ഇപ്പോൾ സോഷ്യൽ മീഡിയയിൽ വലിയ രീതിയിൽ പ്രചരിക്കുന്നുണ്ട്.