സ്കൂ​ട്ട​ർ ഓടിക്കാൻ പഠിക്കുന്നതിനിടെ ചെറുതായി ഒന്ന് ചെരിഞ്ഞു വീണു; പിന്നാലെ കൂട്ടുകാർ ചേർന്ന് കളിയാക്കിയതിൽ മനോവിഷമം; ഇ​ടു​ക്കി​യി​ൽ 14 വയസുകാ​രി ജീ​വ​നൊ​ടു​ക്കി; തൂങ്ങിയ നിലയിൽ മൃതദേഹം; കണ്ണീരോടെ ഉറ്റവർ!

ഇ​ടു​ക്കി: കൂട്ടുകാർ കളിയാക്കിയ വിഷമം സഹിക്കാൻ കഴിയാതെ 14 വയസുകാ​രി ജീ​വ​നൊ​ടു​ക്കി.ഗ്രൗണ്ടിൽ സ്കൂ​ട്ട​ർ ഓടിക്കാൻ പഠിക്കാൻ ശ്രമിക്കുന്നതിനിടെയാണ് സംഭവങ്ങളുടെ തുടക്കം.സ്കൂ​ട്ട​ർ ഓടിക്കാൻ പഠിക്കുന്നതിനിടെ പെൺകുട്ടി ചെറുതായി ഒന്ന് ചെരിഞ്ഞു വീണിരുന്നു.

ഉടനെ വീണു പോയ പെൺകുട്ടിയെ നോക്കി കൂട്ടുകാർ വട്ടം കൂടി നിന്ന് കളിയാക്കുകയായിരുന്നു. ഈ ചെറുതാക്കലിൽ തളർന്നു പോയ പെൺകുട്ടി നേരെ വീട്ടിൽ ഓടിപ്പോവുകയുമായിരുന്നു. അതിനുശേഷം അറിയുന്നത് നാടിനെ നടുക്കിയ മരണ വാർത്തയായിരുന്നു.

സംഭവത്തിൽ അ​ണ​ക്ക​ര ചെ​ല്ലാ​ർ​കോ​വി​ൽ ചി​റ​യ്ക്ക​ൽ റോ​ബി​ന്‍റെ മ​ക​ൾ പൗ​ളി​ൻ ആ​ണ് ദാരുണമായി മരിച്ചത്. ഞാ​യ​റാ​ഴ്‌​ച വൈ​കു​ന്നേ​ര​മാ​ണ് സം​ഭ​വം നടക്കുന്നത്. കൂ​ട്ടു​കാ​ർ ക​ളി​യാ​ക്കി​യ​തി​നു പി​ന്നാ​ലെ വീ​ടി​നു​ള്ളി​ലേ​ക്ക് ഓ​ടി​പ്പോ​യ പൗ​ളി​നെ കാ​ണാ​തെ വീ​ട്ടു​കാ​ർ അ​ന്വേ​ഷി​ച്ചെ​ത്തി​യ​പ്പോ​ൾ കി​ട​പ്പു​മു​റി​യി​ൽ മരിച്ച നിലയിൽ കണ്ടെത്തിയത്. തൂ​ങ്ങിയ നിലയിലായിരുന്നു മൃതദേഹം കണ്ടത്.

ഉ​ട​ൻ ​ത​ന്നെ പെൺകുട്ടിയെ അ​ണ​ക്ക​ര​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീവൻ രക്ഷിക്കാൻ സാധിച്ചില്ല. തു​ട​ർ​ന്ന് ക​ട്ട​പ്പ​ന താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ചു. മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​നു​ശേ​ഷം ബ​ന്ധു​ക്ക​ൾ​ക്ക് വി​ട്ടു​ന​ൽ​കും. പിന്നാലെ സ്ഥലത്ത് വ​ണ്ട​ൻ​മേ​ട് പോലീസെത്തി മേ​ൽ​ന​ട​പ​ടി​ക​ൾ സ്വീ​ക​രി​ക്കുകയും ചെയ്തു.