ഒന്ന് ഫ്രഷ് ആകാൻ റിസോർട്ടിലെ ബാത്ത്റൂമിൽ കുളിക്കാൻ കയറി; ഷവർ ഓൺ ചെയ്തതും ചെറു വെട്ടം മുഖത്തടിച്ചു; പിന്നാലെ നിലവിളിച്ച് പുറത്തേയ്‌ക്കോടി യുവതി; പരിശോധനയിൽ ചുവരിനും മേൽക്കൂരക്കും ഇടയിൽ ഒരു വസ്തു; പോലീസ് സ്ഥലത്തെത്തിയപ്പോൾ സംഭവിച്ചത്!
തിരുവനന്തപുരം: യുവതിയുടെ ബാത്ത്റൂം ദൃശ്യങ്ങൾ മൊബൈലിൽ പകർത്താൻ ശ്രമിച്ച കേസിൽ യുവാവ് അറസ്റ്റിൽ. റിസോർട്ടിലെത്തിയ യുവതിയാണ് വലിയൊരു ദുരനുഭവം നേരിട്ടത്. ഒന്ന് ഫ്രഷ് ആകാൻ റിസോർട്ടിലെ ബാത്ത്റൂമിൽ കുളിക്കാൻ കയറിയപ്പോൾ ആണ് സംഭവം നടന്നത്. ഷവർ ഓൺ ചെയ്തതും ഒരു ചെറു വെട്ടം മുഖത്തടിച്ചു. പിന്നാലെ യുവതി നിലവിളിച്ച് പുറത്തേയ്‌ക്കോടുകയായിരുന്നു. പിന്നാലെ നടന്ന പരിശോധനയിൽ ചുവരിനും മേൽക്കൂരക്കും ഇടയിൽ നിന്നും ഫോൺ കണ്ടെത്തുകയായിരുന്നു. ഒടുവിൽ നടന്ന അന്വേഷണത്തിലാണ് പോലീസ് പ്രതിയെ കുടുക്കിയത്.
വിനോദയാത്രയുടെ ഭാഗമായി തിരുവനന്തപുരം ജില്ലയിലെ പൊഴിയൂരിലെ ഒരു റിസോർട്ടിൽ എത്തിയപ്പോൾ ആണ് കേസിന് ആസ്പദമായ സംഭവം നടക്കുന്നത്. കുടുംബവുമൊത്ത് എത്തിയ സ്ത്രീയുടെ ബാത്ത്റൂം ദൃശ്യങ്ങൾ മൊബൈലിൽ പകർത്താൻ ശ്രമിച്ച യുവാവ് ആണ് കുടുങ്ങിയത്. കൊല്ലം തഴവ സ്വദേശി അഭിറാമിനെയാണ് (22) പൊഴിയൂർ പോലീസ് അറസ്റ്റ് ചെയ്തത്.
അഭിറാം റിസോർട്ടിലെ ജീവനക്കാരനാണ്. കുടുംബം താമസിച്ചിരുന്ന മുറിയോട് ചേർന്നുള്ള ബാത്ത് റൂമിന്റെ ചുവരിനും മേൽക്കൂരക്കും ഇടയിലുള്ള വിടവിലൂടെ മൊബൈൽ ഫോൺ കടത്തി ദൃശ്യങ്ങൾ പകർത്താനായിരുന്നു യുവാവ് ശ്രമം നടത്തിയത്.
ഇത് യുവതി തിരിച്ചറിഞ്ഞതിനെ തുടർന്ന് ബന്ധുക്കൾ ചേർന്ന് പൊഴിയൂർ പൊലീസിന് പരാതി നൽകുകയായിരുന്നു .കഴിഞ്ഞ 21ന് രാത്രി 10 മണിയോടെയാണ് കേസിനാസ്പദമായ സംഭവം ഉണ്ടായത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.