അവർ ഞങ്ങളെ ജീവിക്കാൻ സമ്മതിക്കുന്നില്ല..; ഞങ്ങൾ എന്തായാലും ഒരു കാര്യം തീരുമാനിച്ചു; ഇനി അതെ നടക്കൂ..!! ഒരു ഹർജിയുമായി കോടതി വരാന്തയിലെത്തിയ ആ കൗമാരക്കാർ; എല്ലാം കേട്ട് കുഴങ്ങി പോയ ജഡ്ജി; ഒടുവിൽ സത്യാവസ്ഥ അറിഞ്ഞപ്പോൾ സംഭവിച്ചത്

ഡൽഹി: നിയമപരമായ വിവാഹപ്രായം എത്തിയിട്ടില്ലെങ്കിൽ പോലും, പ്രായപൂർത്തിയായ രണ്ട് വ്യക്തികൾക്ക് പരസ്പര സമ്മതത്തോടെ ഒരുമിച്ച് താമസിക്കാനും ജീവിക്കാനും ഭരണഘടനാപരമായ അവകാശമുണ്ടെന്ന് രാജസ്ഥാൻ ഹൈക്കോടതിയുടെ സുപ്രധാന വിധി. ഭരണഘടനാപരമായ അവകാശങ്ങൾ വിവാഹ പ്രായത്തിന്റെ മാത്രം അടിസ്ഥാനത്തിൽ നിയന്ത്രിക്കാൻ സാധിക്കില്ലെന്നും കോടതി വിധിന്യായത്തിൽ വ്യക്തമാക്കി.

കോട്ടയിൽ നിന്നുള്ള 18 വയസ്സുള്ള ഒരു യുവതിയും 19 വയസ്സുള്ള യുവാവും തങ്ങൾക്ക് സംരക്ഷണം ആവശ്യപ്പെട്ട് സമർപ്പിച്ച ഹർജി പരിഗണിക്കവെയാണ് ജസ്റ്റിസ് അനൂപ് ധണ്ട് ഈ സുപ്രധാന നിരീക്ഷണം നടത്തിയത്. 2025 ഒക്ടോബർ 27 മുതൽ തങ്ങൾ ലിവ്-ഇൻ കരാറിൽ ഏർപ്പെട്ടതായി ദമ്പതികൾ കോടതിയെ അറിയിച്ചു.

യുവതിയുടെ കുടുംബം തങ്ങളുടെ ബന്ധത്തെ ശക്തമായി എതിർക്കുന്നുണ്ടെന്നും, തങ്ങൾക്കെതിരെ നിരന്തരം ഭീഷണി മുഴക്കുന്നുണ്ടെന്നും ദമ്പതികൾ ഹർജിയിൽ ആരോപിച്ചു. ഭീഷണിയെ തുടർന്ന് കോട്ട പോലീസിൽ പരാതി നൽകിയിട്ടും യാതൊരു നടപടിയും സ്വീകരിക്കാൻ അധികൃതർ തയ്യാറായില്ലെന്നും ഇവർ കോടതിയെ അറിയിച്ചു. നിയമപരമായ സംരക്ഷണം ഉറപ്പാക്കണമെന്ന ആവശ്യവുമായാണ് കൗമാരക്കാരായ ദമ്പതികൾ ഹൈക്കോടതിയെ സമീപിച്ചത്.

സംരക്ഷണ ഹർജിയെ എതിർത്തുകൊണ്ട് സ്റ്റേറ്റ് അഭിഭാഷകൻ കോടതിയിൽ നിലപാട് അറിയിച്ചു. യുവാവിന് 21 വയസ്സ് പൂർത്തിയാകാത്തതിനാൽ, നിയമപരമായ വിവാഹപ്രായം എത്തിയിട്ടില്ലാത്തതിനാൽ, ഇവരെ ലിവ്-ഇൻ ബന്ധത്തിൽ തുടരാൻ അനുവദിക്കരുത് എന്നതായിരുന്നു സർക്കാരിന്റെ പ്രധാന വാദം.

എന്നാൽ, ഈ വാദത്തെ രാജസ്ഥാൻ ഹൈക്കോടതി പൂർണ്ണമായും തള്ളി. വ്യക്തികൾക്ക് നിയമപരമായി വിവാഹപ്രായമെത്തിയില്ലെങ്കിൽ പോലും, ഇന്ത്യൻ ഭരണഘടനയുടെ ആർട്ടിക്കിൾ 21 ഉറപ്പുനൽകുന്ന ജീവിക്കാനുള്ള അവകാശവും വ്യക്തിസ്വാതന്ത്ര്യവും നിഷേധിക്കാൻ കഴിയില്ലെന്ന് കോടതി വ്യക്തമാക്കി. നിയമം അനുശാസിക്കുന്ന പ്രകാരം പ്രായപൂർത്തിയായ (18 വയസ്സ് പൂർത്തിയായ) ഏതൊരാൾക്കും സ്വന്തം ഇഷ്ടപ്രകാരം ജീവിക്കാൻ അവകാശമുണ്ട്.

ലിവ്-ഇൻ ബന്ധങ്ങൾ ഇന്ത്യൻ നിയമപ്രകാരം നിരോധിച്ചിട്ടില്ലെന്നും, അത്തരം ബന്ധങ്ങൾ ക്രിമിനൽ കുറ്റമല്ലെന്നും കോടതി ചൂണ്ടിക്കാട്ടി. പ്രായപൂർത്തിയായ ഒരു പൗരന് ഇഷ്ടപ്പെട്ട വ്യക്തിയോടൊപ്പം ജീവിക്കാനുള്ള സ്വാതന്ത്ര്യം മൗലികാവകാശമാണ്. ഓരോ പൗരന്റെയും സുരക്ഷ ഉറപ്പാക്കാൻ സംസ്ഥാനത്തിന് ഭരണഘടനാപരമായ കടമയുണ്ടെന്നും ജസ്റ്റിസ് ധന്ദ് ഊന്നിപ്പറഞ്ഞു.

ഭീഷണിയുണ്ടെന്ന ദമ്പതികളുടെ ആരോപണങ്ങൾ എത്രയും പെട്ടെന്ന് പരിശോധിച്ച് ഉറപ്പുവരുത്താനും, ആവശ്യമെങ്കിൽ അവർക്ക് ആവശ്യമായ സുരക്ഷ നൽകാനും ജസ്റ്റിസ് ധന്ദ് ഉത്തരവിട്ടു. ഭിൽവാര, ജോധ്പൂർ (റൂറൽ) എന്നിവിടങ്ങളിലെ പോലീസ് സൂപ്രണ്ടുമാർക്ക് ഇതിനുള്ള നിർദ്ദേശം നൽകുകയും, ഉത്തരവ് നടപ്പിലാക്കിയ ശേഷം കോടതിയെ വിവരമറിയിക്കണമെന്നും നിർദ്ദേശിക്കുകയും ചെയ്തു. നിയമപരമായ വിവാഹപ്രായം എത്താത്തവർക്ക് പോലും പ്രായപൂർത്തിയായി കഴിഞ്ഞാൽ പരസ്പര സമ്മതത്തോടെ ഒരുമിച്ച് ജീവിക്കാനുള്ള അവകാശത്തെ ഈ വിധി ബലപ്പെടുത്തുന്നു.