കാറില്‍ കഞ്ചാവ് കടത്താൻ ശ്രമം; കുറ്റ‍്യാടി-പേരാമ്പ്ര പാതയിൽ എക്‌സൈസിന്റെ പരിശോധന; കോഴിക്കോട് സ്വദേശിയായ യുവാവ് പിടിയിൽ
കോഴിക്കോട്: കാറില്‍ കടത്താൻ ശ്രമിച്ച കഞ്ചാവ് എക്‌സൈസ് സംഘം പിടികൂടിയത് തന്ത്രപരമായ നീക്കത്തിലൂടെ. കാറിലുണ്ടായിരുന്ന യുവാവിനെ കസ്റ്റഡിയില്‍ എടുത്തിട്ടുണ്ട്. വാഹന പരിശോധനക്കിടെ യാണ് ഇയാൾ പിടിയിലായത്. കുറ്റ‍്യാടി വടയം മാരാന്‍ വീട്ടില്‍ സുര്‍ജിത്തി(37)നെയാണ് വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ വി ആര്‍ ഹിറോഷും സംഘവും അറസ്റ്റ് ചെയ്തത്. പ്രതിയുടെ പക്കൽ നിന്നും 200 ഗ്രാം കഞ്ചാവ് എക്‌സൈസ് സംഘം പിടിച്ചെടുത്തു.
കുറ്റ‍്യാടി - പേരാമ്പ്ര സംസ്ഥാന പാതയില്‍ കഴിഞ്ഞ ദിവസം നടന്ന പരിശോധനയിലാണ് നടപടി. ലഹരി കടത്താന്‍ ഉപയോഗിച്ച കെഎല്‍ 58 ജി 1125 ഹ്യൂണ്ടെയ് ഐ ടെന്‍ കാറും കസ്റ്റഡിയില്‍ എടുത്തിട്ടുണ്ട്. അസിസ്റ്റന്‍റ് എക്‌സൈസ് ഇന്‍സ്‌പെക്ടര്‍ പ്രമോദ് പൂളിക്കല്‍, പ്രിവന്റീവ് ഓഫീസര്‍ ഗ്രേഡ് സായി ദാസ്, സിവില്‍ എക്‌സൈസ് ഓഫീസര്‍ ഷിറാജ്, മുസ്ബിന്‍, നിഷ, ഡ്രൈവര്‍ പ്രജീഷ് എന്നിവരും സംഘത്തില്‍ ഉണ്ടായിരുന്നു.