അമിതവേഗതയിലെത്തിയ കാറിടിച്ച് വയോധികന് ദാരുണാന്ത്യം; കാർ ഓടിച്ച ഡോക്ടർ അറസ്റ്റിൽ; സംഭവത്തെ കോഴിക്കോട്

കോഴിക്കോട്: മൊഫ്യൂസിൽ ബസ് സ്റ്റാൻഡിന് സമീപം അമിതവേഗതയിലെത്തിയ കാറിടിച്ച് 72-കാരന് ദാരുണാന്ത്യം. അപകടത്തിൽ മറ്റൊരാൾക്ക് ഗുരുതരമായി പരിക്കേറ്റു. ഉള്ളിയേരി സ്വദേശി വി. ഗോപാലൻ ആണ് മരിച്ചത്. ഇന്ന് രാവിലെ 6.30 ഓടെയാണ് അപകടം.

റോഡരികിലൂടെ നടന്നുപോകുകയായിരുന്ന ഗോപാലനെ അമിതവേഗതയിലെത്തിയ കാർ ഇടിച്ചു തെറിപ്പിക്കുകയായിരുന്നു. അപകടത്തിൽ സാജിത എന്ന സ്ത്രീക്കും ഗുരുതരമായി പരിക്കേറ്റിട്ടുണ്ട്. ഇവരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. വി. ഗോപാലന്റെ മൃതദേഹം കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.

മലപ്പുറം താനൂർ സ്വദേശിയായ ഡോ.റിയാസ് ആണ് ഓടിച്ചിരുന്ന കാറിലുണ്ടായിരുന്നത്. അപകടകരമായ ഡ്രൈവിംഗ്, മനപ്പൂർവ്വമല്ലാത്ത നരഹത്യ എന്നീ വകുപ്പുകൾ ചുമത്തി പോലീസ് ഡോ.റിയാസിനെ അറസ്റ്റ് ചെയ്തു. അപകടം നടന്ന കാർ കസ്റ്റഡിയിലെടുത്തിട്ടുണ്ട്.